Gujarati News

સુરતમાં સ્ટેટ  વિઝિલન્સે જુગારધામમાં દરોડા પાડ્યા હતા આ દરોડામાં વિઝિલન્સે 60 જેટલા જુગારીઓને દબોચી લીધા હતા અને લાખોની મત્તા પોલીસના હાથે લાગી હતી. પોલીસે આ તમામ જુગારીઓની અટકાયત કરીને જેલ ભેગા કર્યા છે.

  મળતી માહિતી પ્રમાણે સુરત શહેરમાં મોટા પાયે જુગાર રમાતો હોવાની બાતમીના આધારે સ્ટેટ વિઝિલન્સની ટીમ મંગળવારે સુરતમાં ત્રાટકી હતી. આશરે 20 અધિકારીઓ અને પોલીસ અધિકારીઓના કાફલા સાથે જુગાર ધામ ઉપર દરોડા પાડ્યા હતા.

  ચાલુ જુગારે પોલીસ ત્રાટકતા જુગારીઓમાં અફરા તરફીનો માહોલ સર્જાયો હતો. જુગારીઓમાં ભાગદોડ મચી ગઇ હતી. પોલીસે આ રેડમાં 60 જેટલા જુગારીઓની અટકાય કરી છે. જ્યારે સ્થળ ઉપરથી લાખો રૂપિયાની મતા પણ જપ્ત કરી છે.

   અત્રે ઉલ્લેખનીય છે કે, આટલા મોટ પાયે ચાલતા જુગારધામની ગંધ સુરત પોલીસને કેમ ન્હોતી એ મોટો પ્રશ્ન છે. આ જુગારધામ પોલીસની રહેમનજરથી ચાલતું હોવાનું પણ માનવામાં આવી રહ્યું છે. અચાનક ત્રાટકેલી વિઝિલન્સને મોડાપાયે જુગારીઓને ઝડપી પાડતા અઠવા પોલીસને ઉંઘતી ઝડપી હતી.