News of Thursday, 19th April 2018

એરપોર્ટ પરથી ૨૫.૨૫ લાખના વિદેશી ચલણ સાથે બે પકડાયા

ડીઆરઆઇ અધિકારીઓએ બંને પેસેન્જરોને ઝડપ્યા : બેંગકોક જતી ફલાઇટમાંથી ઝડપાયેલાઓે પાસેથી ડોલર, યુરો અને થાઇ ચલણ ઝડપાયું : ડીઆરઆઇની વધુ તપાસ

અમદાવાદ,તા. ૧૯ : અમદાવાદ એરપોર્ટ પરથી બે પેસેન્જર આજે રૂ.૨૫.૨૫ લાખના વિદેશી ચલણ સાથે ડીઆરઆઇના અધિકારીઓ દ્વારા ઝડપાઇ જતાં ભારે ચકચાર મચી ગઇ હતી. ડાયરેકટોરેટ ઓફ રેવન્યુ ઇન્ટેલિજન્સના અધિકારીઓએ બાતમીના આધારે આ બંને પેસેન્જરોને બેંગકોક જતી ફલાઇટમાંથી પકડી લીધા હતા અને તેમની જડતી દરમ્યાન રૂ.૨૫.૨૫ લાખના વિદેશ ચલણને જપ્ત કર્યું હતું. ડીઆરઆઇના અધિકારીઓએ બંને પેસેન્જરોની પૂછપરછ કરી સમગ્ર મામલામાં ઝીણવટભરી તપાસ હાથ ધરી છે. ડીઆરઆઇની તપાસમાં એવી પણ ચોંકાવનારી માહિતી સામે આવી રહી છે કે, આ બંને પેસેન્જર બેંગકોક ગયા બાદ ત્યાં ગોલ્ડનું સ્મગલીંગ કરવાના હતા અને તે પટે આ રકમ ચૂકવવવાના હતા. તેથી ડીઆરઆઇના અધિકારીઓએ આ સમગ્ર ચેઇનની કડીઓ મેળવવાની દિશામાં તપાસનો દોર આગળ ધપાવ્યો છે.

આ અંગે પ્રાપ્ત માહિતી મુજબ, અમદાવાદ એરપોર્ટ પર આજે ચોક્કસ બાતમીના આધારે ડીઆરઆઇના અધિકારીઓએ સપાટો બોલાવ્યો હતો. જેમાં ડીઆરઆઇના અધિકારીઓએ બેંગકોક જતી ફલાઇટમાંથી પુરૂષોત્તમ રાજવી અને રાજકુમાર થાવરાણી નામના બે પેસેન્જરોને ઝડપી લીધા હતા. ડીઆરઆઇએ બંને પેસેન્જરોની પૂછપરછ કરતાં શરૂઆતમાં તો તેઓએ તેમની પાસે કંઇ નહી હોવાનું જણાવ્યું હતુ પરંતુ તેમની આકરી પૂછપરછ કરતાં તેમની પાસેથી રૂ.૨૫.૨૫ લાખની કિંમતનું ડોલર, યુરો અને થાઇનું ચલણ મળી આવ્યું હતું. ડીઆરઆઇના અધિકારીઓએ આ વિદેશી ચલણ જપ્ત કરીને બંને પેસેન્જરોની વિરૂધ્ધ ઝીણવટભરી તપાસ હાથ ધરી હતી.

(8:13 pm IST)
  • પ્રવીણ તોગડિયાની તબિયત નરમ પડી : વીએચપીમાંથી હકાલપટ્ટી કરવામાં આવ્યા બાદ પૂર્વ આંતરરાષ્ટીય કાર્યકારી પ્રમુખ પ્રવીણ તોગડિયા છેલ્લા ત્રણ દિવસથી અમદાવાદ વીએચપી કાર્યાલય ખાતે ઉપવાસ કરી રહ્યા છે. ત્રણ દિવસથી ઉપવાસ બાદ તોગડિયાની તબિયત બગડી હોવાનું જાણવા મળ્યું છે. બીજી તરફ શિવસેનાએ તોગડિયાને ઉપવાસને સમર્થન જાહેર કર્યું છે. આ માટે મુંબઈનું શિવસેનાનું એક પ્રતિનિધિ મંડળ તોગડિયાની મુલાકાત લેશે. સતત ત્રણ દિવસથી ઉપવાસ કરી રહેલા તોગડિયાના સ્વાસ્થ્યને લઈને સાધુ સંતો અને તેના સાથીઓમાં પણ ચિંતા વ્યાપી ગઈ છે. access_time 12:01 pm IST

  • યશવંતસિંહાએ નવો મોરચો ખોલ્યો : ર૧મી એ દિલ્હીમાં મોટો કાર્યક્રમ : કોંગ્રેસ, તૃણમૂલ કોંગ્રેસ, રાજદ, 'આપ', સમાજવાદી પાર્ટીના નેતાઓ જોડાશે : ભાજપના અસંતુષ્ટોને પર્ણ આમંત્રણ access_time 11:46 am IST

  • આખરે રાજ્યપાલે મહિલા પત્રકારની માફી માંગી : એક પ્રેસ કોન્ફરન્સમાં તમિલનાડુના રાજ્યપાલ બનવારીલાલ પુરોહિતે મહિલા પત્રકારના ગાલ થપથપાવતાં થયેલા વિવાદમાં છેવટે એમણે માફી માંગતા મામલો થાળે પડ્યો છે. મંગળવારે સાંજની આ ઘટના બાદ રાજ્યના પત્રકારોએ આ મામલે માફી માંગવાની માંગ કરતાં વિવાદ વધુ ઘેરાયો હતો. access_time 6:40 pm IST