Gujarati News

હવામાન ખાતા દ્વારા ૨૨ અને ૨૩ ના રોજ એટલે કે બે દિવસ બાદ વધુ એક વેસ્ટર્ન ડિસ્ટર્બન્સ સક્રિય થતાં વધુ એક માવઠાની આગાહી કરી છે. તો હવામાન આગાહીકાર અંબાલાલ પટેલ કહે છે કે આ મહિનો આખો ખેડૂતો માટે આફતરૂપ: ૨૧-૨૨મીએ હજુ પણ કેટલાક વિસ્તારમાં માવઠું થવાનો સંભવ છે. રાજ્યમાં ૨૬,૨૭,૨૮ માર્ચે ફરી માવઠું થઈ શકે છે.

આજે પણ હવામાન તંત્ર દ્વારા ૨૩ જિલ્લામાં વરસાદની આગાહી ચાલુ છે

જ્યારે હવામાન ખાતાએ આજે પણ પાટણ મહેસાણા બનાસકાંઠા સાબરકાંઠા ગાંધીનગર અરવલ્લી પંચમહાલ અમદાવાદ દાહોદ મહીસાગર વડોદરા છોટાઉદેપુર નર્મદા સુરત ડાંગ તાપી વલસાડ દાદરા નગર હવેલી સુરેન્દ્રનગર બોટાદ જામનગર અમરેલી ભાવનગર અને કચ્છ સહિત ૨૩ જિલ્લામાં વરસાદની આગાહી કરી છે.

દરમિયાન આજે બપોરે સવા વાગ્યા આસપાસની ઇન્સેટ તસવીરમાં સૌરાષ્ટ્ર કચ્છ અને ગુજરાત ઉપર છુટા છવાયા સ્થળો સિવાય મહદઅંશે વાદળાઓ દૂર થયેલા નજરે પડે છે..