Gujarati News

Gujarati News

News of Tuesday, 19th March 2019

વાપીમાં ચર્ચની બહાર ભગવાનના ફોટા મળી આવતા લોકોમાં આક્રોશ જોવા મળ્યો

વા૫ી શહેરના સી ટાઈપ વિસ્તારમાં ચર્ચના કમ્પાઉન્ડના ગેટ પાસે ભગવાનના ફોટા ત્યજી દેવાતા નજીકમાં રહેતા લોકો એકત્રિત થઈ આક્રોશ વ્યકત કરી ચર્ચના ફાધરને ઉગ્ર રજૂઆત કરી હોબાળો મચાવી દીધો હતો. રવિવારે સાંજે ચર્ચમાં આવેલી બે મહિલાઓએ ગેટની બહાર ભગવાનના ફોટ ત્યજી દીધા હોવાનું જણાવી ધર્માન્તરણની પ્રવૃત્તિ કરાતી હોવાનો આક્ષેપ કર્યો હતો. 

પ્રાપ્ત માહિતી અનુસાર વાપી જીઆઈડીસીના સી ટાઈપ વિસ્તારમાં ચર્ચ આવેલી છે. રવિવારે સાંજે ચર્ચના ગેટ નજીક હિન્દુઓના ભગવાનના ફોટાઓ ત્યજી દીધેલી હાલતમાં જોતા નજીકમાં રહેતા લોકો એકત્રિત થઇ ગયા હતા. લોકોએ ચર્ચના ફાધર સમક્ષ આ પ્રકારના ગંભીર કૃત્ય અંગે ઉગ્ર રજૂઆત કરી ભારે હોબાળો મચાવી દીધો હતો. આ ઘટના અંગે પોલીસ કન્ટ્રોલને પણ જાણ કરાઈ હતી. જેથી પોલીસ ઘટના સ્થળે પહોંચી ગઈ હતી. 

 

(5:44 pm IST)
  • જામનગર સીટી પોલીસ સ્ટેશનમાં લૂંટના ગુનામાં નાસતો ફરતો ફિરોઝ ઉર્ફે ફિરીયો ગફાર ઝડપાયો : પેરોલ ફરલો સ્કવોડના પીએસઆઈ શિવાય બારોટ અને ઈન્ચાર્જ આર.બી.ગોજીયાના માર્ગદર્શન હેઠળ હેડ કોન્સ્ટેબલ અરજણભાઈ કોડીયાતર તથા લઘધીરસિંહ જાડેજાએ પેટ્રોલીંગ દરમિયાન સંતોષી માના મંદિર પાસેથી ફિરોઝને ઝડપી લીધો access_time 6:04 pm IST

  • અમદાવાદની સાબરમતી નદીમાં ૪ લોકોએ ઝંપલાવ્યુઃ ૩ના મોત, ૧નો બચાવ : સવારથી લઈ અત્યાર સુધીમાં ફાયરબ્રિગેડને ૪ કોલ મળ્યા access_time 6:04 pm IST

  • ખોડલધામની મહિલા સમિતિમાં કોઈ વિવાદ નથી : શર્મીલાબેન બાંભણીયાએ તો ૩ મહિના પહેલા જ નિવૃતિ જાહેર કરી દીધી હતી : ખોડલધામ ટ્રસ્ટની મહિલા સમિતિમાં વિવાદ થયાના સમાચારો વહેતા થયા છે ત્યારે ખોડલધામ મહિલા સમિતિના જ એક સભ્યએ જણાવેલ કે મહિલા સમિતિમાં કોઈ વિવાદ છે જ નહિં, પ્રમુખ શર્મીલાબેન બાંભણીયાએ તો ૩ મહિના અગાઉ જ સમાધાન પંચમાં નિવૃતિ જાહેર કરી દીધી હતી આમ છતાં તેઓ હાલમાં પણ ટ્રસ્ટની સેવાકીય પ્રવૃતિઓમાં જોડાયેલા છે. તાજેતરમાં ખોડલધામની નવી કન્વીનરની ટીમની જાહેરાત કરવામાં આવી હતી. આમ મહિલા સમિતિમાં કોઇ જ વિવાદ ન હોવાનું સૂત્રોએ જણાવ્યુ હતું. access_time 3:23 pm IST