Gujarati News

Gujarati News

News of Tuesday, 19th March 2019

ચૂંટણીને લઇ મહિલા કોંગ્રેસ દાવેદારી નોંધાવવા સક્રિય છે

તમામ ૨૬ બેઠકો પર દાવેદારી નોંધાવી દીધી : ગુજરાતભરમાં ૪૮ ટકા મતો મહિલાઓના હોવા છતાંય મહિલાઓને પૂરતી પ્રાધાન્યતા આપવા જોરદાર માંગણી

અમદાવાદ, તા.૧૯ : આગામી તા.ર૩ એપ્રિલે યોજાનારી લોકસભાની ચૂંટણી માટે ગુજરાત મહિલા કોંગ્રેસમાં પણ થનગનાટ જોવા મળ્યો છે. રાજ્યમાં ૪૮ ટકા મહિલાઓના મત હોવા છતાં મહિલાઓને રાજકીય પ્રતિનિધિત્વ આપવાના મામલે ભાજપ અને કોંગ્રેસ આ બંને મુખ્ય રાજકીય પક્ષ નિષ્ફળ નીવડ્યા છે, જોકે જ્યાં સુધી ગુજરાત મહિલા કોંગ્રેસનો પ્રશ્ન છે તો મહિલા કોંગ્રેસે રાજ્યની તમામ ર૬ બેઠક પર દાવેદારી નોંધાવી છે. મહિલા કોંગ્રેસ તરફથી આ વખતે લોકસભા ચૂંટણીમાં મહિલા ઉમેદવારોને પૂરતી પ્રાધાન્યતા આપવા પણ માંગ કરવામાં આવી છે. છેલ્લી લોકસભા ચૂંટણીમાં ભાજપે ચાર મહિલાને ટિકિટ આપી હતી. જ્યારે કોંગ્રેસમાંથી એકમાત્ર દાહોદ બેઠક પરથી ડો.પ્રભા તાવિયાડને ટિકિટ મળી હતી. આ વખતે દાહોદ બેઠક પર ફરી ચૂંટણી લડવાની ઇચ્છા ડો.પ્રભા તાવિયાડે દર્શાવી હોવાનું ગુજરાત મહિલા કોંગ્રેસનાં પ્રમુખ ગાયત્રીબહેન વાઘેલાએ જણાવ્યું હતું. ગુજરાત મહિલા કોંગ્રેસનાં પ્રમુખે વધુમાં ઉમેર્યું હતું કે, પોરબંદરથી ડો.ઉર્વશીબહેન મણવર, અમરેલીથી ગેનીબહેન ઠુમર, ભાવનગરથી ઇલાબહેન ગોહિલ તેમજ દાહોદથી હાલનાં ધારાસભ્ય ચંદ્રિકાબહેન બારૈયાએ પણ લોકસભાની ચૂંટણી લડવા દાવેવારી નોંધાવી છે. બનાસકાંઠા લોકસભા બેઠક માટે પૂર્વ  સાંસદ સ્વ.મુકેશ ગઢવીનાં ધર્મપત્ની ક્રિષ્નાબહેન ગઢવી અને ખેડામાંથી સજ્જનબહેને પણ ચૂંટણી લડવાની ઇચ્છા દર્શાવી છે. આમ, લોકસભાની ચૂંટણીને લઇ કોંગ્રેસના મહિલા ઉમેદવારોમાં ઉત્સાહનો માહોલ જોવા મળી રહ્યો છે તો સાથે સાથે કોંગી હાઇકમાન્ડ દ્વારા આ વખતે ચૂંટણીમાં મહિલા ઉમેદવારોને પૂરતી પ્રાધાન્યતા અપાવી જોઇએ તેવી લાગણી પણ ઉઠી છે.

(8:27 pm IST)
  • ‘મૈં ભી ચોકીદાર’માં નવી રણનીતિ :ભાજપ દેશભરના 500 સ્થળે વીડિયો કોન્ફરન્સથી કરશે ચોકીદાર અભિયાનનો પ્રારંભ:વડાપ્રધાને મોદીએ કહ્યું હતું કે હું વડાપ્રધાન નથી પરંતુ દેશનો ચોકીદાર છું:હવે ચોકીદાર રાજનિતી એક બ્રાન્ડ બની :લોકસભા ચૂંટણીમાં ગાજશે મુદ્દો access_time 1:17 am IST

  • ૭૦ વર્ષની એકધારા ''રટણ''ની હવે એકસ્પાયરી આવશેઃ પ્રિયંકા ગાંધીના મોદી સરકાર ઉપર પ્રહારોઃ 'રીપોર્ટ કાર્ડ' સાંભળવામાં સારૂ લાગે છેઃ યુપીમાં ૫ વર્ષમાં કોઇ બદલાવ આવ્યો નથી access_time 3:22 pm IST

  • ગરીબ છાત્રોના શિક્ષણ માટે આખરે રાજ્ય સરકાર જાગી :તમામ જિલ્લાના ડીઈઓ-ડીપીઈઓ પાસેથી વિગતો મંગાવી... : ૨૨ માર્ચ સુધીમાં સ્કૂલોએ વિદ્યાર્થીઓની સંખ્યા આપવાની રહેશે... એપ્રિલ માસમાં આરટીઈ પ્રવેશ પ્રક્રિયા થવાની સંભાવના... access_time 4:00 pm IST