Gujarati News

Gujarati News

News of Tuesday, 19th January 2021

કલોલ તાલુકા પોલીસે બાતમીના આધારે અલુવા ગામની સીમમાં દરોડા પાડી હારજીતનો જુગાર રમતા પાંચ શખ્સોને ઝડપી 56હજારનો મુદામાલ જપ્ત કર્યો

ગાંધીનગર:જિલ્લામાં છેલ્લા થોડા સમયથી જુગારની બદી વધી રહી છે અને ખાસ કરીને  ગ્રામ્ય વિસ્તારોમાં બોરકુવા ઉપર કે ઝાડીઓમાં જુગાર રમાઈ રહયો છે ત્યારે પોલીસ દ્વારા બાતમીદારોને સક્રિય કરી જુગારના આવા ઠેકાણાં ઉપર દરોડા પાડવામાં આવી રહયા છે. કલોલ તાલુકા પોલીસની ટીમ પેટ્રોલીંગમાં હતી તે દરમ્યાન બાતમી મળી હતી કે અલુવા ગામની સીમમાં આવેલા બોરકુવા ઉપર કેટલાક શખ્સો ભેગા મળીને તીનપત્તીનો જુગાર રમી રહયા છે જે બાતમીના પગલે પોલીસ ટીમે દરોડો પાડીને આ સ્થળેથી સંજય મણીભાઈ પટેલ રહે.પ્રીત એપાર્ટમેન્ટ મકાન નં.૧૦૧ વાવોલબ્રીજેન્દ્રસિંગ રામેશ્વરસિંગ પટેલ રહે.સે-ર૬જીઆઈડીસી મકાન નં.એએફ/૭ગીરીશસિંહ ઉર્ફે સરપંચ રામાજી ડાભી રહે.મનહરનગર ખોરજ ડાભી કલોલપંકજભાઈ ઉર્ફે બાદશાહ ચુનીભાઈ પટેલ રહે.મુબારકપુર કલોલ અને અજયસિંહ જગદીશસિંહ ચાવડા રહે.મનહરનગર ખોરજડાભી કલોલને જુગાર રમતાં ઝડપી પાડયા હતા. જેમની પાસેથી રોકડ રૃપિયા ૨૧૧૩૦પાંચ મોબાઈલ અને બાઈક મળી પ૬૬૩૦નો મુદ્દામાલ કબ્જે કરવામાં આવ્યો હતો. આ જુગારીઓ સામે જુગારધારા હેઠળ ગુનો નોંધીને વધુ તપાસ શરૃ કરવામાં આવી હતી.

(5:27 pm IST)
  • પંચાયતોના આરોગ્‍ય કર્મચારીઓ ફરજ પર હાજર ન થાય તો કડક પગલા : વોરંટ, સસ્‍પેન્‍ડ સુધીના પગલાની સરકારની તૈયારી : વધુ સંઘર્ષ કે સમાધાન ? બપોરે કર્મચારી મહાસંઘની બેઠકમાં હડતાલ અંગે ફેંસલો access_time 11:44 am IST

  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST