Gujarati News

Gujarati News

News of Tuesday, 19th January 2021

સુરતના પીપલોદમાં રાત્રીના સમયે બંધ મકાનનું તાળું તોડી તસ્કરોએ 2.85 લાખની મતાની ઉઠાંતરી કરી

સુરત: શહેરના પીપલોદ લેકવ્યુ ગાર્ડનની ગલીમાં આવેલી કૃષ્ણધામ સોસાયટીની સામે આવેલા મંગલમ પાર્ક એપાર્ટમેન્ટના બિલ્ડીંગ બી/3 ના ફ્લેટ નં. 204 માં રહેતા બીનીશાબેન પ્રીતેશ મોદી ગત તા. 13 ના રોજ પરિવાર સાથે બહારગામ ગયા હતા. 

આ દરમિયાન તેમના બંધ ઘરના મેઇન દરવાજાનું તાળું તોડી તસ્કરોએ બેડરૂમના કબાટની ડ્રોઅર તોડી તેમાંથી રોકડા રૂા. 5 હજાર અને સોનાના 14 તોલા વજનના દાગીના મળી કુલ રૂા. 2.85 લાખની મત્તા ચોરીને ભાગી ગયા હતા. 

ગત રોજ બપોરે બીનીશાબેન પરિવાર સાથે પરત આવ્યા ત્યારે મેઇન દરવાજાનું તાંળુ અને બેડરૂમનો કબાટ તુટેલો અને સરસામાન વેરવિખેર જોઇ ચોંકી ગયા હતા અને તુરંત જ પોલીસ કંટ્રોલ રૂમમાં જાણ કરતા ઉમરા પોલીસ દોડી ગઇ હતી. પોલીસે ચોરીનો ગુનો નોંધી ચોરનું પગેરૂ મેળવવાની કવાયત હાથ ધરી છે.

(5:25 pm IST)
  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST

  • મમતા બેનરજીએ નેતાજી બોઝની જન્મજયંતિને દેશનાયક દિવસ તરીકે ઉજવવાની ઘોષણા કરી: મોદી સરકારે નેતાજી બોઝની જન્મજયંતિને પરાક્રમ દિવસ તરીકે ઉજવવાનું નક્કી કર્યું : મોદી સરકારના નિર્ણયને મમતા બેનર્જીએ રાજનીતિ પ્રેરિત ગણાવ્યો access_time 12:55 am IST

  • દિલ્હીના 72 ટકાથી વધુ લોકો ખાનગીને બદલે સરકારી ડિસ્પેન્સરીમાં કરાવે છે સારવાર : રાજધાની દિલ્હીની કુલ વસ્તીના 72.87 ટકા લોકો સરકારી હોસ્પિટલો અને ડિસ્પેંસરીઓમાં પોતાની સારવાર કરાવતા હોવાની જાણકારી દિલ્હી સરકારના સામાજિક આર્થિક સર્વેના બીજા ભાગના અહેવાલમાં સામે આવી: સરકાર તરફથી નવેમ્બર 2018થી નવેમ્બર 2019 વચ્ચે આ સર્વે કરાવવામાં આવ્યો હતો. access_time 12:54 am IST