Gujarati News

Gujarati News

News of Tuesday, 19th January 2021

અમદાવાદમાં એમડી ડ્રગ્‍સના વેંચાણમાં ઉછાળોઃ કારંજ પોલીસે પેડલર મોઇન ખાન ઉર્ફે પાપા પઠાણની 1.70 લાખના નશાયુક્‍ત પદાર્થ સાથે ધરપકડ કરી

અમદાવાદ: શહેરના કોટ વિસ્તાર એટલે કે જુના અમદાવાદમાં નશાનું સેવન અને વેચાણ વધ્યુ છે. તાજેતરમાં ક્રાઈમ બ્રાંચે પણ એમડી ડ્રગ્સનો મોટો જથ્થો કબ્જે કર્યો હતો. હવે કારંજ પોલીસે એમડી ડ્રગ્સના પેડલરની 1.70 લાખના ડ્રગ્સ સાથે ઝડપી પાડ્યો છે. જોકે મુખ્ય સપ્લાયર હજી ફરાર છે.

અમદાવાદ શહેરમા નશાનો કાળો કારોબાર ખુબજ ફૂલ્યો ફાલ્યો છે. કારંજ પોલીસે 1.70 લાખની કિંમતના એમડી ડ્રગ્સ સાથે મોઈનખાન ઉર્ફે પાપા પઠાણની ધરપકડ કરી છે. આરોપી જાન સાહેબની ગલી પાસે ડ્રગ્સનું વેચાણ કરતો હતો તે સમયે પોલીસે તેને ઝડપી પાડ્યો છે. આરોપી મોઈનની પુછપરછમાં શાહઆલમ ટોલ નાકા પાસે રહેતો અને એમડી ડ્રગ્સનો સપ્લાયર મુજીનું નામ સામે આવ્યુ છે જેની શોધખોળ હાથ ધરી છે.

પકડાયેલ આરોપી મોઈનખાન પોતે ડ્રગ્સનો બંધાણી હોવાનું સામે આવ્યુ છે. છેલ્લા 3 વર્ષથી ડ્રગ્સ પેડલર તરીકે લોકોને છુટક ડ્રગ્સનું વેચાણ કરતો હતો. પોલીસને શંકા જાય તે માટે ખજૂરનો વેપાર કરતો હતો. એટલે કે ખજૂરના બહાને નશાનું વેચાણ કરતો હતો. ઉલ્લેખનીય છે કે, આરોપીના પિતા મુસ્તાકખાન પણ ડ્રગ્સના કારોબારમાં સંડોવાયેલ હતા. જેની 20 વર્ષ પહેલા પોલીસે ધરપકડ કરી હતી.

ડ્રગ્સના ગુનામાં પેડલર અને સપ્લાયર પોલીસના હાથે ઝડપાતા હોય છે. પરંતુ ડ્રગ્સ લેનાર અને તેના મુખ્ય આરોપી સુધી ક્યારેય પોલીસ પહોંચી શકતી નથી. માટે ડ્રગ્સના વેપલાને અટકાવવામાં સફળતા મળતી નથી અને તેથી ડ્રગ્સનો કાળો કારોબાર વર્ષોથી સતત ચાલી રહ્યો છે. ત્યારે જોવુ રહ્યું કે કારંજ પોલીસની તપાસ ક્યા સુધી પહોચે છે.

(4:57 pm IST)
  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • પંચાયતોના આરોગ્‍ય કર્મચારીઓ ફરજ પર હાજર ન થાય તો કડક પગલા : વોરંટ, સસ્‍પેન્‍ડ સુધીના પગલાની સરકારની તૈયારી : વધુ સંઘર્ષ કે સમાધાન ? બપોરે કર્મચારી મહાસંઘની બેઠકમાં હડતાલ અંગે ફેંસલો access_time 11:44 am IST

  • ખુલ્લેઆમ દાદાગીરી : રાજસ્થાનના જયપુરમાં માસ્ક પહેર્યા વિના બેઠેલા યુવકને નિર્ભયા સ્ક્વોડની મહિલા કોન્સ્ટેબલે ટોકતા નાક ઉપર ઘુસ્તો મારી દીધો : નાકનું હાડકું તોડી નાખ્યું : યુવકની ધરપકડ કરી ફરજમાં રૂકાવટનો કેસ દાખલ કરાયો access_time 7:05 pm IST