Gujarati News

Gujarati News

News of Tuesday, 19th January 2021

અમદાવાદમાં બાઇક રોકીને માસ્‍કનો દંડ ભરવાનું કહેતા ઉશ્‍કેરાયેલી મહિલાએ પોલીસ જવાન સાથે ઝપાઝપી કરીઃ શર્ટનું ખિસ્‍સુ ફાડી નાખતા દંડ પેટે ઉઘરાવેલા રૂપિયા પડી ગયા

અમદાવાદ: શહેરના સાબરમતી-ત્રાગડ રોડ મુક્તિધામ પાસે માસ્કના મેમા ફાડવાની કાર્યવાહી કરતાં પોલીસ જવાનોએ બાઇક રોકી માસ્કનો દંડ ભરવાનું કહેતા ઉશ્કેરાયેલી મહિલાએ સોમવારે બપોરે પોલીસ જવાન સાથે ઝપાઝપી કરી તેમના શર્ટનું ખિસ્સુ ફાડી નાખ્યું હતું.

બનાવને પગલે માસ્કના દંડ પેટે કોન્સ્ટેબલે ઉઘરાવેલા રૂપિયા પડી ગયા હતા. મહિલાએ પોલીસને હાઇકોર્ટમાં ઢસડી જઈશ તેવી ચીમકી આપી હતી. સાબરમતી પોલીસે બેફામ બોલી તકરાર કરનાર મહિલા સહિત બે આરોપી વિરુદ્ધ ગુનો દાખલ કરી કાર્યવાહી કરી છે.

સાબરમતી પોલીસ સ્ટેશનના હેડ કોન્સ્ટેબલ સંજીવકુમાર રતન PCR વાન 21ના સ્ટાફ સાથે સોમવારે બપોરે માસ્કના દંડની કાર્યવાહી કરતા હતા. તે સમયે ગોદરેજ ગાર્ડન સિટી તરફથી આવતા બાઇક ચાલકે માસ્ક પહેર્યું હોવાથી પોલીસે બાઇક રોકી દંડ ભરવા જણાવ્યું હતું.

બાઇક ચાલકે તમે દૂર રહો અમારે નોકરી જવાનું મોડું થાય છે. પોલીસે દંડ ભરો જતા રહો તેમ જણાવતા મારી પાસે પૈસા નથી પછીથી દંડ ભરીશું. તે સમયે બાઇક પાછળ બેઠેલી મહિલાએ સંજીવકુમારને ધક્કો મારી મારે નોકરી જવાનું મોડું થાય છે તેમ કહ્યું હતું. દરમિયાન મહિલાનું ઉપરાણું લઈ બાઇક ચાલકે પણ ઝપાઝપી કરી હતી.

મહિલાએ સંજીવકુમારને શર્ટનું ખિસ્સુ ફાડી નાખતા બીજા પાસેથી ઉઘરાવેલા દંડના રૂપિયા 2 હજાર પણ ખોવાઈ ગયા હતા. બનાવ અંગે SHE ટીમને જાણ કરવામાં આવી હતી. મહિલાએ બધાને હાઇકોર્ટમાં લઈ જવાની ધમકી આપી કલમ 188 શું છે? અમે જાણીએ છીએ તેમ કહી માસ્કનો દંડ નહીં ભરીએ તેમ કહ્યું હતું.

પોલીસે મહિલા અને બાઈકચાલકને SHE ટીમની વાનમાં બેસાડી પોલીસ સ્ટેશન લાવી આરોપી આશિષ ભાનુકર કલ્યાણકર અને અંકિતા પટેલ (બન્ને રહે, ગોદરેજ ગાર્ડન સિટી, ચાંદખેડા) વિરુદ્ધ ગુનો નોંધી કાર્યવાહી કરી હતી.

(4:56 pm IST)
  • પશ્ચિમ બંગાળમાં કેન્દ્રીય મિનિસ્ટર દેબાશ્રી ચૌધરીના રોડ શો દરમિયાન ભાજપ કાર્યકરો ઉપર પથ્થરમારો : ભાગદોડ અને તનાવ વચ્ચે ચૂંટણી વાતાવરણ ગરમાયુ : હુમલાખોરો ના હાથમાં ટીએમસીના ધ્વજ હોવાનો આક્ષેપ access_time 6:49 pm IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST