Gujarati News

Gujarati News

News of Tuesday, 19th January 2021

હડતાલનો ૮ મો દિવસઃ આરોગ્ય કેન્દ્રોની સેવા પર માઠી અસર

આરોગ્ય કર્મચારીઓનો વધુ સંઘર્ષ કે સમાધાન? સાંજ સુધીમાં ફેંસલોઃ સરકાર આકરા પાણીએ

એપેડેમીક ડીસીઝ એકટ હેઠળ વોરંટ, ધરપકડ, સસ્પેશન સહીતના પગલાની જોગવાઇઃ જિલ્લાવાર અહેવાલ મંગાવતી સરકાર

રાજકોટ તા. ૧૯ :.. રાજયની જિલ્લા પંચાયતો હેઠળના આરોગ્ય કેન્દ્રોના ૬ કેડરના કર્મચારીઓની હડતાલનો આજે ૮ મો દિવસ છે. સરકારે કર્મચારીઓને ફરજ પર હાજર થવા આદેશ કર્યો છે. હાજર ન થાય તો એપેડેમિક એકટ હેઠળ કડક પગલા ભરવાનો આદેશ આપ્યો છે. જેમાં વોરંટ સસ્પેન્શન વગેરેનો તાકીદની બેઠક ગાંધીનગર બોલાવવામાં આવી છે. જેમાં સંઘર્ષ કે  સમાાધાન ? તે બાબતે સાંજ સુધીમાં નિર્ણય થઇ જશે.

રાજયના ૧પ૦૦ આરોગ્ય કેન્દ્રોના ૩૦ હજારથી વધુ કર્મચારીઓ પે ગ્રેડ સહિતની માગણીઓ અંગે હડતાલ પર છે. સરકારે મંત્રણા માટે બોલાવ્યા નથી. કોરોના રસીકરણની કામગીરી ચાલી રહી હોવાથી આરોગ્ય કર્મચારીઓ ફરજ પર હાજર ન થાય તો આકરા પગલા ભરવા સરકારે દરેક કલેકટરને આદેશ આપ્યો છે. રાજકોટના અનિલકુમાર રાણાવાસિયા, સહિત તમામ જિલ્લા વિકાસ અધિકારીઓએ સરકારના આદેશ અંગે સબંધિત આરોગ્ય કર્મચારીઓને જાણ કરી દીધી છે. આરોગ્ય સેવા કથળતી રોકવા સરકાર આક્રમક મિજાજમાં છે. હડતાલ ચાલુ રાખવી કે સંકેલો કરી લેવો ? તે બાબતે કર્મચારી મહાસંઘમાં એકથી વધુ મત પ્રવર્તે છે. આ લખાય છે ત્યારે ગાંધીનગરમાં મહાસંઘની બેઠક ચાલુ છે. હડતાલ સ્થગિત કરવી, પૂરી કરવી અથવા, ઉગ્ર કરવા સહિતના વિકલ્પો પર ચર્ચા ચાલુ છે. મહાસંઘના વર્તુળો કોઇ વ્યાજબી રસ્તો નીકળવા માટે આશાવાદી છે.

(4:13 pm IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • કોરોના રસીનો જાદુ કે બાયડનના આગમનના પડઘા પડ્યા ? અમેરિકામાં કોરોના કેસમાં ધરખમ ઘટાડો, ૨૪ કલાકમાં દોઢ લાખ કેસ નોંધાયા, ૧૩૯૩ મૃત્યુ : ભારતમાં અભૂતપૂર્વ કોરોના કેસ ઘટી ગયા: ચોવીસ કલાકમાં માત્ર દસ હજાર નવા કેસ અને ૧૩૭ ના મોત: ઈંગ્લેન્ડમાં પણ ઘટાડો નોંધાયો, આજે સવાર સુધીમાં ૩૭ હજાર નવા કેસો: બ્રાઝિલમાં ૨૪ હજાર, રશિયામાં ૨૨ હજાર, જર્મનીમાં અને ઈટાલીમાં ૮ હજાર નવા કેસ થયા છ: ચીનમાં રોજ એકસો ઉપર નવા કેસો, આજે સવારે ૧૧૮ કેસ નોંધાયા: હોંગકોંગમાં ૧૦૭ અને ઓસ્ટ્રેલિયમાં ૧૩ નવા કેસ નોંધાયા access_time 10:30 am IST

  • બાંગ્લાદેશને વેક્સિનના ૨૦ લાખ ડોઝ ભારત આપશે : ૨૦ જાન્યુઆરીએ ભારત કોવિશિલ્ડ કોરોના વેકસીનના ૨૦ લાખ ડોઝ બાંગ્લાદેશને ભેટ સ્વરૂપે આપશે તેવી જાહેરાત થઇ છે access_time 12:26 am IST