Gujarati News

Gujarati News

News of Tuesday, 19th January 2021

વીજ યુનિયનો - સરકાર વચ્ચે સમાધાન : તમામ ભથ્થાઓ ૦.૮ના ગુણાંકથી ચૂકવાશે : ૨૦૧૬થી ચડત એરીયર્સ ૧૦ હપ્તામાં ચૂકવી દેવાશે

તમામ આંદોલન - હડતાલનો અંત : આભાર વ્યકત કરતા બી.એમ.શાહ અને અન્ય આગેવાનો

રાજકોટ તા.૧૯  ગુજરાત રાજયના  નાયબ મુખ્યમંત્રી અને નાણામંત્રી નિતિનભાઇ પટેલની અધ્યક્ષતામાં તથા ઉર્જામંત્રી શ્રી સૌરભભાઇ પટેલની હાજરીમાં 'ગુજરાત ઉર્જા સંયુકત સંકલન સમિતિ' પ્રમુખો શ્રી ગોરધનભાઇ ઝડફીયા, શ્રી ભરતભાઇ પંડયા, શ્રી ભરતભાઇ ડાંગર, ઉર્જા વિભાગના અધિક મુખ્ય સચિવ શ્રીમતી સુનૈના તોમર, જીયુવીએનએલ મેનેજીંગ ડાયરેકટર શ્રી મતી શાહમીના હુશેન મેડમ , શ્રી મુનશી, રાય  સર્વેની તથા તમામ યુનિયનો/ એસોસીએશનના હોદ્દેદારોની હાજરીમાં ખુબજ સુલેહભર્યા વાતાવરણમાં નિખાલસતાથી ચર્ચા વિચારણા મિટીંગ થયેલ, જેમાં જીયુવીએનએલના તમામ વિજકર્મચારીઓ, અધિકારીઓ, ઈજનેરોની લાગણી અને માગણીઓના અનુસંધાને તા. ૦૧/૦૧/૨૦૨૧ થી ( છઠ્ઠા પગારના ભથ્થાઓ મુજબ ) સાતમા પગાર પંચના બેઝિક પર તમામ ભથ્થાઓ ૦.૮ના ગુણાંક થી ચુકવવા મંજુરી આપેલ છે. સાથોસાથ  તા ૦૧/૦૧/૨૦૧૬ થી અસરથી ચડતર ભથ્થાઓ નું એરીયર્સ દશ હપ્તામા ચુકવણુ કરવામાં આવશે. જે સરકાર શ્રી એ વિશ્વાસ આપેલ છે, જેથી સરકારનો હૃદયપુર્વક આભાર માને છે, તેમજ સુધારેલ પરીપત્ર વહેલી તકે ઉર્જા ખાતા દ્વારા બહાર પાડવામાં આવશે.

આથી ગુજરાત ઉર્જા સંયુકત સંકલન સમિતિ દ્વારા પાઠવવામાં આવેલ આંદોલન નોટીસ અનુસંધાનના તમામ કાર્યક્રમો પરત ખેંચવામાં આવે છે. સમિતિ દ્વારા સરકારશ્રીનો, તમામ અધિકારીઓ, કર્મચારીઓ અને ઇજનેરો તથા પ્રીન્ટ મિડીયા- ઇલેકટ્રોનિકસ મિડીયાનો તેમને સંપૂર્ણ સાથ સહકાર બદલ હૃદયપુર્વક આભાર માન્યો હતો.

(12:48 pm IST)
  • પ્રાઇવેટ ડોક્ટર પાસે આંખ ચેક કરાવો : સરકારી હોસ્પિટલના રિપોર્ટ ખોટા જોવા મળ્યા છે : કેન્દ્રીય મિનિસ્ટર ગડકરીનો રાજનાથસિંઘ સાથેનો સંવાદ : મુંબઈમાં કારમાં મુસાફરી વખતે પોતાના ડ્રાયવરને મોતિયો હોવા છતાં આંખ બરાબર હોવાનું સર્ટિફિકેટ લાવ્યો હતો : એક મુખ્યમંત્રીનો ડ્રાયવર બંને આંખે આંધળો હતો : એક કેન્દ્રીય મિનિસ્ટરના ડ્રાયવરની એક આંખ ખરાબ હતી access_time 11:42 am IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • દેશમાં ૨૪ કલાકમાં કોરોનાના ૧૦૦૬૪ દર્દી આવ્યાઃ ૧૩૭ના મોતઃ કુલ કેસ થયા ૧ કરોડ ઉપરઃ ૧,૫૨,૫૫૬ મોત : નવી દિલ્હીઃ છેલ્લા ૨૪ કલાકમાં દેશમાં કોરોનાના ૧૦૦૬૪ નવા દર્દી સામે આવ્યા છે અને એ દરમ્યાન ૧૩૭ના મોત થયા છેઃ દેશમાં કુલ કેસ ૧,૦૫,૮૧,૮૩૭ થયા છે, જેમાં ૨૦૦૫૨૮ એકટીવ કેસ છે જ્યારે ૧ કરોડ ૦૨ લાખથી વધુ રીકવર થયા છેઃ કુલ મૃત્યુ ૧૫૨૫૫૬ના થયા છેઃ ગઈકાલે ૭,૦૯,૭૯૧ ટેસ્ટ કરાયા હતાઃ આ સાથે કુલ ટેસ્ટીંગ ૧૮,૭૮,૦૨,૮૨૭ થયા છે access_time 11:35 am IST