Gujarati News

Gujarati News

News of Monday, 18th January 2021

સોનવાડામાં નરકંકાલ મળ્યા બાદ પોલીસે ફોરેન્સિક તપાસ હાથ ધરી

વલસાડ ડીએસપી રાજદિપસિંહ ઝાલાના માર્ગદર્શન મુજબ ડુંગરી પીએસઆઇ જે. એસ. રાજપુતે લાશ મળી એ સ્થળ સિલ કરી ઝીણા ઝીણા પુરાવા એકત્ર કરવા માટે તપાસ હાથ ધરી

(કાર્તિક બાવીશી દ્વારા )વલસાડના ડુંગરી નજીકના સોનવાડા ગામેથી નરકંકાલ મળી આવ્યું હતુ. આ નરકંકાલ કયા સંજોગોમાં અહીં આવ્યું. આ કોનું નરકંકાલ છે. તેનું મોત કુદરતી રીતે થયું કે, તેની હત્યા થઇ છે. તેની તપાસ ડુંગરી પોલીસે હાથ ધરી છે. આ નરકંકાલ ની ફોરેન્સિક તપાસ પણ તેમણે હાથ ધરાવતાં તે પુરુષનું હોવાનું બહાર આવ્યું છે

 . વલસાડ ડીએસપી રાજદિપસિંહ ઝાલાના માર્ગદર્શન મુજબ ડુંગરી પીએસઆઇ જે. એસ. રાજપુતે લાશ મળી એ સ્થળ સિલ કરી ઝીણા ઝીણા પુરાવા એકત્ર કરવા માટે તપાસ હાથ ધરી છે. આ કંકાલ મળ્યા બાદ તેના મૃત્યુનું રહસ્ય શોધવું પોલીસ માટે એક ચેલેંજ બની રહેતું હોય છે. આ ચેલેંજ ડુંગરી પોલીસે ઉપાડી લીધી છે. ડુંગરી પોલીસે તેની ફોરેન્સિક તપાસ કરતાં આ કંકાલ પુરુષનું હોવાનું જાણવા મળ્યું છે. ત્યારબાદ આ કંકાલ કેટલું જુનું છે તેની જાણકારી માટે પણ તેમણે ફોરેન્સિક એક્સપર્ટની સલાહ મુજબ તપાસ હાથ ધરી છે. જેના માટે તેમણે જે ખેતરમાંથી આ કંકાલ મળ્યું એ ખેતરનો એટલો વિસ્તાર સીલ કરી દીધો હતો અને ત્યાં ડુંગરી પીએસઆઇ સહિતની ટીમ પહોંચી ગઇ અને તેમણે તપાસ હાથ ધરી હતી.

(12:51 am IST)
  • દેશમાં કોરોના થાક્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસ 2 લાખથી ઓછા : સતત ઘટાડો : રાત્રે 12 વાગ્યા સુધીમાં કોરોનાના નવા 9972 કેસ નોંધાયા :કુલ કેસની સંખ્યા 1,05, ,82,647 થઇ :એક્ટિવ કેસ 1,97,818 થયા: વધુ 17,116 દર્દીઓ સ્વસ્થ થતા કુલ 1,02,27,852 થયા :વધુ 137 લોકોના મોત સાથે કુલ મૃત્યુઆંક 1,52,593 થયા access_time 1:08 am IST

  • સુભાષબાબુનો જન્મદિવસ પરાક્રમ દિવસ તરીકે દર વર્ષે દેશ આખો ઉજવશે : મોદી સરકારની જાહેરાત ૨૩ જાન્યુઆરીએ નેતાજી સુભાષચંદ્ર બોઝનો જન્મ દિવસ 'પરાક્રમ દિવસ' તરીકે ઉજવવાની મોદી સરકારે જાહેરાત કરી છે. દર વર્ષે 'પરાક્રમ દિવસ' તરીકે સુભાષબાબુનો જન્મ દિવસ ઉજવવામાં આવશે તેમ સાંસ્કૃતિક બાબતોના કેન્દ્રીય મંત્રાલય આજે જાહેર કરેલ છે. access_time 11:35 am IST

  • બાંગ્લાદેશને વેક્સિનના ૨૦ લાખ ડોઝ ભારત આપશે : ૨૦ જાન્યુઆરીએ ભારત કોવિશિલ્ડ કોરોના વેકસીનના ૨૦ લાખ ડોઝ બાંગ્લાદેશને ભેટ સ્વરૂપે આપશે તેવી જાહેરાત થઇ છે access_time 12:26 am IST