Gujarati News

Gujarati News

News of Sunday, 18th October 2020

૧૮૧-કપરાડા(અ.જ.જા) વિધાનસભાની પેટા ચૂંટણીના નોડલ અધિકારીઓ સાથે બેઠક યોજતા જનરલ ઓબ્‍ઝર્વર

કોવિદ-૧૯ની ગાઇડલાઇનનું ચુસ્‍તપણે પાલન કરી ચૂંટણી યોજવા જણાવતા જનરલ ઓબ્‍ઝર્વરશ્રી રશીદ ખાન

(કાર્તિક બાવીશી દ્વારા )વલસાડ જિલ્લામાં ૧૮૧-કપરાડા (અ.જ.જા) વિધાનસભાની પેટા ચૂંટણી માટે ભારતીય ચૂંટણી પંચ દ્વારા નિયુક્‍ત કરાયેલા જનરલ ઓબ્‍ઝર્વર રશીદ ખાને(આઇ.એ.એસ.) કલેક્‍ટર કચેરીના સભાખંડ ખાતે નોડલ અધિકારીઓ સાથે બેઠક યોજી હતી. આ બેઠકમાં જનરલ ઓબ્‍ઝર્વરશ્રીએ જણાવ્‍યું હતું કે, ચૂંટણીમાં ફરજ બજાવતા અધિકારી/ કર્મચારીઓને આપવામાં આવતી તાલીમ એ ખૂબ જ અગત્‍યનો ભાગ છે. સંબંધિત અધિકારી/ કર્મચારીઓએ તાલીમ વ્‍યવસ્‍થિત લીધી હોય તો ચૂંટણી ફરજમાં કોઇ તકલીફ પડતી નથી અને ચૂંટણી પ્રક્રિયા સુપેરે પાર પડે છે.

  વધુમાં ઓબ્‍ઝર્વરશ્રીએ જણાવ્‍યું હતું કે, હાલની વૈશ્વિક મહામારી કોવિદ-૧૯ની કેન્‍દ્ર સરકારની આરોગ્‍ય વિષયક ગાઇડલાઇન મુજબ ચૂંટણી યોજવાની સાથે તેમાં માસ્‍ક, સેનેટાઇઝર, ગ્‍લોઝ, સોશિયલ ડિસ્‍ટન્‍સ વગેરે જેવી બાબતોમાં પૂરતી કાળજી લેવાય તે જરૂરી છે અને તેમાં કોઇ કચાશ ચલાવી નહીં લેવાય. ઓબ્‍ઝર્વરએ જિલ્લા ચૂંટણીતંત્ર દ્વારા રજૂ કરાયેલા પ્રેઝન્‍ટેશનથી સંતોષ વ્‍યક્‍ત કર્યો હતો.આ બેઠકમાં જિલ્લા ચૂંટણી અધિકારી અને કલેક્‍ટર આર.આર.રાવલે જિલ્લા તંત્ર દ્વારા ચૂંટણી ન્‍યાયી અને નિષ્‍પક્ષ રીતે યોજાય તે અંગે જરૂરી માર્ગદર્શન આપ્‍યું હતું.

 કપરાડા વિધાનસભા મત વિસ્‍તારના ચૂંટણી અધિકારી વી.સી.બાગુલે પ્રેઝન્‍ટેશન દ્વારા ચૂંટણી કામગીરીથી ઓબ્‍ઝર્વરને વાકેફ કર્યા હતા. આ બેઠકમાં જિલ્લા વિકાસ અધિકારી અર્પિત સાગર, જિલ્લા પોલીસ અધિક્ષક ડૉ. રાજદીપસિંહ ઝાલા, નિવાસી અધિક કલેક્‍ટર એન.એ.રાજપૂત, નાયબ જિલ્લા ચૂંટણી અધિકારી ડી.એન.ચૌધરી સહિત નોડલ અધિકારીઓ હાજર રહ્યા હતા

(9:11 pm IST)
  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST

  • રાજકોટ માં વીજળી ના કડાકા ભડાકા સાથે સાંજે 1 કલાક માં બેફામ 2 ઇંચ વરસાદ.રોડ પર નદીઓ વહી. વીજળી ના ભયંકર અવાજ થી લોકો ફફડી ઉઠ્યા.ફાયર બ્રિગેડમાં સામા કાંઠે 55 મી.મી. અને જુના રાજકોટ માં 45 મી મી. વરસાદ નોંધાયો .હજુ અસહ્ય બફારો યથાવત.ફફડી access_time 8:44 pm IST

  • અબડાસા પેટા ચૂંટણી ફોર્મ ચકાસણીનું કાર્ય પૂર્ણ.:32 ફોર્મ માંથી 7 ફોર્મ રદ્દ થયા:ઉમેદવારોના 25 ફોર્મ માન્ય :હાલ સુધીના ચિત્ર પ્રમાણે 19 ઉમેદવારો વચ્ચે ખેલાશે ચૂંટણીનો જંગ: હજી ઉમેદવારી પત્ર પાછા ખેંચનાવાનું બાકી... access_time 6:15 pm IST