Gujarati News

વડોદરા: શહેરમાં  બેંક ઓફ બરોડાની સેવાથી કંટાળી ગયેલા એક ગ્રાહકે ખોડીયારનગર ખાતેની બેંકના એટીએમમાં તોડફોડ કરી વોચમેનને ધમકી આપી હોવાની ફરિયાદ મેનેજરે ગ્રાહક સામે નોંધાવી છે.

ખોડીયારનગર ખાતે બેંક ઓફ બરોડાની બ્રાંચના મેનેજર સુકેતુ અશોક શુકલએ બાપોદ પોલીસ સ્ટેશનમાં નોંધાવેલી ફરિયાદમાં જણાવ્યું છે કે તા.૩ના રોજ સાંજે એક ગ્રાહક એટીએમ મશીન પર આવ્યો ત્યારે મશીન બંધ હતું જેથી સિક્યુરિટી ગાર્ડને ધમકી આપી હતી કે આજે આ મશીન બંધ છે અને હું કાલે ફરીથી આવીશ જો બંધ હશે તો મશીન સળગાવી દઇશ, આ ગ્રાહકે મશીનોના તાળા તોડી રૃા.૩ હજારનું નુકસાન પણ કર્યું હતું એટલું જ નહી પરંતુ રસ્તે જતા લોકોને ભેગા કરી બેંક ઓફ બરોડાની સેવા અંગે ઉશ્કેરણી કરી  હતી.