Gujarati News

Gujarati News

News of Thursday, 18th October 2018

પોલીસને બધી બાતમી આપતો હોવાનું કહી યુવક ઉપર હુમલો

ઇજાગ્રસ્ત યુવક હોસ્પિટલમાં સારવાર માટે દાખલઃ ઘાયલ યુવકની ભાભીએ ચાર આરોપી સામે શહેર કોટડા પોલીસ મથકમાં ફરિયાદ નોંધાવી : પોલીસની ચકાસણી

અમદાવાદ,તા.૧૮: શહેરના સરસપુર વિસ્તારમાં આવેલ શહેરકોટડા પોલીસ સ્ટેશનથી થોડેક દૂર ગઇકાલે પોલીસના બાતમીદાર અને અનેક ગુનાઓમાં સંડોવાયેલા યુવક પર ચાર શખ્સો જીવલેણ હુમલો કરીને નાસી જતાં ચકચાર મચી ગઇ છે. પોલીસને બાતમી આપવાના મામલે આ હુમલો થયો હોવાનું પ્રાથમિક તપાસમાં સામે આવ્યું છે. શહેર કોટડા પોલીસે સમગ્ર મામલાની ઝીણવટભરી તપાસ હાથ ધરી છે. આ સમગ્ર બનાવમાં હુમલો કરનાર ચારેય શખ્સો ગુનેગાર છે અને યુવક પર હુમલો કરતી વખતે તે કહેતા હતા કે અબ કી બાર મેરા નામ લિયા તો જિન્દા નહીં છોડૂંગા જાન સે માર ડાલૂંગા. સરસપુર વિસ્તારમાં આવેલ છાપરાના મકાનમાં રહેતી ર૩ વર્ષીય નસીમબાનુ કુરેશીએ ચાર શખ્સ વિરુદ્ધમાં ખૂની હુમલો કરવાની ફરિયાદ કરી છે. તારીખ ૧પના રોજ મોડી રાતે રેલવે પોલીસે નસીમબાનુના દિયર ઐયુબની કોઇ કેસમાં ધરપકડ કરી હતી. એક દિવસ લોકઅપમાં રહ્યા બાદ ઐયુબ છૂટી ગયો હતો. મંગળવારના દિવસે ગફુર ગલીમાં રહેતો વાહિદ સંધી ઐયુબ પાસે આવ્યો હતો અને તું મારી ખોટી બાતમી પોલીસને આપે છે, જેના કારણે આજે પોલીસ મને પકડીને લઇ ગઇ હતી તેમ કહીને બોલાચાલી કરીને ઝઘડો કર્યો હતો. વાહિદે પોલીસ ફરિયાદ કરવાની ધમકી આપતાં ઐયુબ ત્યાંથી જતો રહ્યો હતો. ગઇકાલે વાહિદ ખાને આ મામલે અદાવત રાખી શહેરકોટડા પોલીસ સ્ટેશનથી નજીક ઐયુબ પર ખૂની હુમલો કર્યો હતો.

ઐયુબ પર વાહિદ, જાવેદ, ફાવડો અને બદરી નામના યુવકો છરી અને ચપ્પા વડે હુમલો કરીને નાસી ગયા હતા. અબ કી બાર મેરા નામ લિયા તો જિન્દા નહીં છોડૂંગા જાન સે માર ડાલૂંગા તેમ કહીને ચાર જણા ઐયુબ હુમલો કરી રહ્યા હતા. ઇજાગ્રસ્ત ઐયુબને સારવાર માટે હોસ્પિટલમાં ખસેડવામાં આવ્યો હતો ત્યાં હાલ તે ભાનમાં છે. શહેરકોટડા પોલીસે આ મામલે ચાર શખ્સો વિરુદ્ધમાં ગુનો દાખલ કરીને તપાસ શરૂ કરી છે.

(10:17 pm IST)
  • મીટુ વિવાદ : એમ.જે. અકબરનું ૩૧મીએ નિવેદન લેવાશે : વધુ સુનાવણી તે જ દિવસેઃ એમ.જે. અકબર કોર્ટમાં હાજર ન રહ્યોઃ ગીતા લુથરા લડે છે તેમનો કેસ access_time 3:38 pm IST

  • રાજકોટ:સ્વાઈન ફ્લૂના વધુ એક દર્દીનું સારવાર દરમિયાન મોત:મોરબી જિલ્લાના ટંકારા તાલુકાના અમરાપર ગામના 45 વર્ષીય પુરુષનું સ્વાઈન ફ્લૂથી મોત:ખાનગી હોસ્પિટલમાં સારવાર દરમિયાન થયું મોત:ચાલુ વર્ષે સ્વાઈન ફલૂ થી મૃત્યુ આંક 25 પહોંચ્યો:ચાલુ વર્ષે કુલ 109 પોઝિટિવ કેશ નોંધાયા છે access_time 1:13 pm IST

  • મહેસાણા :શક્તિપીઠ બહુચરાજીમાં સવારી નીકળી:બહુચરાજીમાં પરંપરાગત માતાજીની સવારી નીકળી:નિજ મંદિરમાં શાસ્ત્રોક્ત પૂજા અર્ચના કરવામાં આવી:ગાયકવાડ વખતની પરંપરા મુજબ પૂજા-અર્ચના કરાઈ:શાહીઠાઠમાં માતાજીની સવારીની પૂજા અર્ચના :પોલીસ દ્વારા ગાર્ડ ઓફ ઓનર આપવામાં આવ્યું access_time 1:45 pm IST