Gujarati News

Gujarati News

News of Thursday, 18th October 2018

અમદાવાદના ચાંદખેડામાં પરિણીતા પર વહેમ રાખી સાસરિયાએ જાનથી મારી નાખવાની ધમકી આપતા ગુનો દાખલ

અમદાવાદ: અમદાવાદના ચાંદખેડામાં ગર્ભવતી મહિલાને તેના સાસરીયાઓ સતત ત્રાસ આપતા પરંતુ પુત્રીનો સંસાર ન બગડે તે માટે પિયરમાંથી તેને દર વખતે સમજાવવામાં આવતી હતી. આ ત્રાસ એટલી હદે હતો કે પરિણિતા પર તેના સગા સસરા પણ ઘણી વખત બદદાનત રાખતા હોવાનો આક્ષેપ પરિણિતાએ તેના પરિવારજનોને જણાવ્યું હતું. તારા પેટમાં મારું બાળક નથી તેમ પતિ તેની પત્નીને હેરાન કરતો હતો. અંતે તેના પતિએ અને સાસરિયા મળી પરિણિતાની હત્યા કર્યા હોવાનો આક્ષેપ મૃતકના પિતાએ કર્યો છે.

આ દરમિયાન પરિણિતા ગર્ભવતી હતી અને તેને તેના સાસરીયાઓ પોતાના વતનમાં લઇ જવાનુ કહીને ઘરેથી નીકળ્યા હતા. એકાએક પરિણિતાના પરિવારજનોને ફોન આવ્યો કે તમારી દીકરી ટ્રેનમાં ક્યાંય નથી જેથી પરિણિતાના પિયરના સભ્યોએ અમદાવાદમાં પોલીસને જાણ કરી પરંતુ થોડા દિવસ બાદ પરિણિતાના લાશ ઉત્તર પ્રદેશથી મળતા આખરે સાસરીયા સામે હત્યાની ફરિયાદ નોંધાઇ છે. આ અંગે પોલીસે ગુનો નોંધી તપાસ હાથ ધરી છે.

(5:55 pm IST)