Gujarati News

Gujarati News

News of Thursday, 18th October 2018

ગુજરાતમાં પણ મળશે 'કિંગફિશર', હવે પ્યાસીઓને જલસા

અમદાવાદ તા. ૧૮ : ગુજરાતમાં દારૂબંધી છે. ગુજરાત એક ડ્રાય પ્રદેશ તરીકે ઓળખવામાં આવે છે. પણ શોખીન લોકો દારૂ પીવા માટે છેક દીવ-દમણ, રાજસ્થાન, મુંબઇ અને ગોવા સુધી જાય છે. કેમ કે ગુજરાતમાં તો પ્રોહિબિશનને કારણે ઓફિશિયલી દારૂ મળતો નથી.

પરંતુ છેલ્લા ઘણા દિવસથી સોશ્યલ મીડિયા પર એક જાહેરાત વાયરલ થઇ રહી છે, જેને જોઇને ગુજરાતી લોકો ખુશ થઇ રહ્યા છે. જી હા, બિયર બનાવતી કંપની 'કિંગફિશર'હવે ગુજરાતમાં પણ મળશે.

આ'કિંગફિશર રેડલર'લેમન, જિંજર લાઇમ અને મિન્ટ લાઇમમાં મળશે. 'કિંગફિશર રેડલર'૨૫૦ મિલીનું કેન કે બોટલ ૪૫ રૂપિયાની કિંમતે મળશે. કંપનીએ ગુજરાતની સાથોસાથ આ ડ્રિંક કર્ણાટકમાં પણ લોન્ચ કર્યું છે.

'કિંગફિશર' કંપની છેલ્લા ઘણા સમયથી પોતાના સોશિયલ મીડિયા પ્લેટફોર્મ પર જાહેરાત કરી રહી છે કે, ગુજરાતમાં પણ કિંગફિશર મળશે. હવે એ લોકોએ સિક્રેટ ખોલ્યું છે કે કિંગફિશર કંપનીએ ગુજરાતથી પોતાના નોન-આલ્કોહોલિક ડ્રિંક 'રેડલર'ની શરૂઆત કરી છે.

બિયર માટે જાણીતા જર્મનીના બાવરિયામાં ૧૯મી સદીમાં અત્યંત ઓછો આલ્કોહોલ ધરાવતું 'રેડલર' નામનું એક પીણું લોકપ્રિય હતું. પરંતુ ગુજરાતમાં મળતા થયેલા 'કિંગફિશર રેડલર'માં સ્વાભાવિક રીતે જ કોઈ આલ્કોહોલ નહીં હોય.(૨૧.૮)

(11:42 am IST)
  • રાજકોટ:સ્વાઈન ફ્લૂના વધુ એક દર્દીનું સારવાર દરમિયાન મોત:મોરબી જિલ્લાના ટંકારા તાલુકાના અમરાપર ગામના 45 વર્ષીય પુરુષનું સ્વાઈન ફ્લૂથી મોત:ખાનગી હોસ્પિટલમાં સારવાર દરમિયાન થયું મોત:ચાલુ વર્ષે સ્વાઈન ફલૂ થી મૃત્યુ આંક 25 પહોંચ્યો:ચાલુ વર્ષે કુલ 109 પોઝિટિવ કેશ નોંધાયા છે access_time 1:13 pm IST

  • પંજાબ-હરિયાણામાં માત્ર ત્રણ કલાક જ ફટાકડા ફોડી શકાશે :હાઇકોર્ટે તહેવારોમાં ફટાકડા ફોડવા બાબતે દિશાનિર્દેશ આપ્યા :સાંજે 6-30થી 9-30 સુધી ત્રણ કલાક ફટાકડા ફોડવા આપી મંજૂરી :હાઇકોર્ટે કડક વલણ અપનાવતા કહ્યું કે ફટાકડા પર સંપૂર્ણ પ્રતિબંધ લગાવી શકીએ ,આતીશબાજી એ સારી છે કે ખિસ્સામાંથી નોટ કાઢો અને આગ લગાડો access_time 1:15 am IST

  • #MeToo ના આરોપ બાદ કેન્દ્રીય મંત્રી એમ.જે. અકબરે આપ્યું રાજીનામું : 20 જેટલી મહિલાએ લગાવ્યો હતો આરોપ : મને કાયદા પર પૂરો ભરોસો છે, મારા પર ખોટા આરોપો લગાવ્યા છે - એમ.જે. અકબર access_time 6:35 pm IST