Gujarati News

Gujarati News

News of Friday, 18th September 2020

નર્મદા SOG પોલીસે તિલકવાડા તાલુકાના રેંગણ ગામ ખાતેથી ગાંજા સાથે એક અપંગ ઇસમ ને ઝડપી પાડયો

રેંગણ ગામે ગાંજાનો વેપલો કરતા વ્યક્તિ પાસે થી પોલીસે રૂ.ચાર હજારની કિંમતના 400 ગ્રામ ગાંજાનો જથ્થો જપ્ત કરી નારકોટીક્સ ધારા મુજબ કાયદેસર કાર્યવાહી કરી

(ભરત શાહ દ્વારા) રાજપીપળા : નર્મદા જીલ્લા પોલીસના સમગ્ર તંત્ર ને જીલ્લામા ફેલાયેલી અસામાજિક પ્રવૃત્તિઓ ઉપર બ્રેક લગાવવા તેમજ નારકોટીક્સના કેસો શોધી કાઢવાની કડક સુચના પોલીસ મહાનિરદેશક ગાંધીનગર તરફ થી મળેલ હોય વડોદરા રેન્જ આઇ જી હરિકૃષ્ણ પટેલ તેમજ નર્મદા જીલ્લા પોલીસ વડા હિમકરસિહના માર્ગદર્શન હેઠળ નર્મદા SOG એ તિલકવાડા તાલુકાના રેંગણ ગામ ખાતે થી ગાંજા ના વેપલા સાથે સંકળાયેલા એક અપંગ આરોપીને ઝડપી પાડયો હતો.

 પોલીસ સુત્રોમાથી મળતી માહિતી અનુસાર નર્મદા SOG  ના પોલીસ સબ ઇન્સ્પેક્ટર કે.ટી.જાટ સહિત સ્ટાફ ના ASI રવિન્દ્રભાઈ જગદીશ ભાઈ ,મનોજભાઈ ,યોગેશભાઈ ,ભરતસિંહ શૈલેન્દ્રભાઈને બાતમી મળેલ કે તિલકવાડા તાલુકાના રેંગણ ગામ ખાતેના ટેકરાફળીયા ખાતે સુકાભાઇ શનાભાઈ વસાવા નામનો વ્યક્તિ ગાંજા વેચવાનો ગેરકાયદેસર વેપલો કરે છે જેથી પોલીસે છટકું ગોઠવી આરોપી ને 400 ગ્રામ ગાંજો કિંમત રુપિયા 4000 સાથે ઝડપી પાડયો હતો.

 નર્મદા SOG પોલીસે આરોપીને ઝડપી તિલકવાડા પોલીસ મથકમાં આરોપી સામે નારકોટીક્સની ધારા મુજબ કાયદેસરનો ગુનો નોંધ્યો હતો.

 

 

 

 

(3:59 pm IST)
  • દેશમાં કોરોનાના કહેર વચ્ચે સાજા દર્દીઓની સંખ્યા નવા પોઝિટિવ કેસ કરતા વધુ : 24 કલાકમાં 95,373 રિકવર થયા : રાત્રે 12 વાગ્યા સુધીમાં 92,788 નવા કેસ નોંધાયા : કુલ કેસનો આંકડો 53,05,475 થયો :10,13,907 એક્ટિવ કેસ : વધુ 95,373 દર્દીઓ સ્વસ્થ થતા 42,05,217 રીકવર થયા : વધુ 1221 લોકોમ, સાથે મૃત્યુઆંક 85,625 થયો access_time 1:04 am IST

  • દેશમાં કોરોનાનો વધતો કહેર :રાત્રે 12 વાગ્યા સુધીમાં નવા 96,782 પોઝીટીવ નોંધાયા : કુલ કેસની સંખ્યા 52,12,676 થઇ : એક્ટિવ કેસ 10.17,708 થયા : વધુ 87,778 દર્દીઓ સ્વસ્થ થતા 41,09,928 રિકવર થયા : વધુ 1175 લોકોના મોત : મૃત્યુઆંક 84,404 થયો access_time 12:47 am IST

  • રાજકોટ શહેર - જિલ્લામાં કોરોના ધીમે - ધીમે કાબુમાં આવતો જાય છે : કુલ ૨૫૭૮ બેડમાંથી આજની તારીખે પ્રાઈવેટ હોસ્પિટલોમાં ૧૪૨ સહિત કુલ ૧,૦૧૫ બેડ ખાલી : ઓપીડીમાં પણ દર્દીઓની સંખ્યામાં ઘટાડો : ડીસ્ચાર્જની સંખ્યામાં વધારો : વેન્ટીલેટર અને ઓકિસજનનો જથ્થો પણ પૂરતી સંખ્યામાં હોવાનું એડી. કલેકટર પરિમલભાઈ પંડ્યાએ જણાવ્યુ હતું access_time 1:01 pm IST