Gujarati News

Gujarati News

News of Wednesday, 18th September 2019

વડાપ્રધાન મોદીના જન્મ દિવસ નિમિત્તે વિરમગામના ભોજવા ખાતે આયુષ્યમાન ભારત કાર્ડ વિતરણ કરાયુ

ગુજરાત રાજ્ય યુવક બોર્ડ અને તાલુકા હેલ્થ ઓફિસ વિરમગામના સંયુક્ત ઉપક્રમે માઁ કાર્ડ / આયુષ્યમાન ભારત કાર્ડનું વિતરણ કરાયુ

( વંદના નીલકંઠ વાસુકિયા દ્વારા ) વિરમગામ:  ગુજરાત રાજ્ય યુવક બોર્ડ અને તાલુકા હેલ્થ ઓફિસ વિરમગામના સંયુક્ત ઉપક્રમે ભોજવા ગામમાં વડાપ્રધાન નરેન્દ્રભાઇ મોદીજીના જન્મ દિવસ નિમિત્તે માઁ કાર્ડ / આયુષ્યમાન ભારત કાર્ડ વિતરણ કાર્યક્રમ યોજાયો હતો. આ કાર્યક્રમમાં મહેમાનોના વરદ હસ્તે લાભાર્થીઓને માઁ કાર્ડ / આયુષ્યમાન ભારત કાર્ડનું વિતરણ કરવામાં આવ્યુ હતુ અને યોજના અંગે જરૂરી માર્ગદર્શન પુરૂ પાડવામાં આવ્યુ હતુ

  . આ કાર્યક્રમમાં તાલુકા હેલ્થ ઓફિસર ડો.વિરલ વાઘેલા, ડો.કિરણ પંચાલ, ગુજરાત રાજ્ય યુવક બોર્ડના નિલેશ રાણા, જગદીશ રાવળ, કિરણ સોલંકી, રસીક કો.પટેલ અને આ ઉપરાંત ભાજપના નરેશભાઇ શાહ, મહેશભાઇ પરમાર, હિતેશભાઇ મુનસરા, રવિરાજસિંહ ઝાલા, નાનુભાઇ ઠાકોર સહિત મોટ સંખ્યામાં ગ્રામજનો ઉપસ્થિત રહ્યા હતા.

    ગુજરાત રાજ્ય યુવક બોર્ડના નિલેશ રાણાએ જણાવ્યુ હતુ કે, ગુજરાતના પનોતા પુત્ર અને દેશના વડાપ્રધાન નરેન્દ્રભાઇ મોદીજીના જન્મ દિવસ નિમિત્તે ગુજરાત રાજ્ય યુવક બોર્ડના ઝોન સંયોજક હરિશભાઇ મચ્છરના માર્ગદર્શન મુજબ ભોજવા ખાતે માઁ કાર્ડ / આયુષ્યમાન ભારત કાર્ડ વિતરણ કાર્યક્રમ યોજાયો હતો. આ ઉપરાંત અમદાવાદ જીલ્લા સહિત સમગ્ર રાજ્યમાં ગુજરાત રાજ્ય યુવક બોર્ડ દ્વારા વિવિધ કાર્યક્રમો દ્વારા વડાપ્રધાનના જન્મ દિવસની ઉજવણી કરવામાં આવી હતી. 

(9:32 pm IST)
  • રાજકોટ શહેર - જીલ્લામાં ૧૦ હજાર એપ્રેન્ટીસોની ભરતી અંગે કાર્યવાહી : રાજકોટ શહેર-જીલ્લામાં ૧૦ હજાર એપ્રેન્ટીસો ભરવા - તાલીમ આપવા અંગે કાર્યવાહી શરૃઃ કલેકટરના અધ્યક્ષપદે ITI ના પ્રિન્સીપાલ - રોજગાર અધીકારી સાથે મીટીંગ યોજાઇઃ બે વર્ષની તાલીમઃ વિવિધ વિભાગો એકમો-ખાનગી કંપનીઓમાં દર મહિને સ્ટાયપેન્ડ આપી એપ્રેન્ટીસ ભરી દેવાશે access_time 3:34 pm IST

  • કાલથી સૌરાષ્ટ્રમાં છુટોછવાયો વરસશેઃ દરિયાકાંઠાના જિલ્લાઓમાં વધુ શકયતા : આવતીકાલથી ત્રણ-ચાર દિવસ વરસાદી એકટીવીટી ફરી શરૂ થશેઃ ખાસ કરીને સૌરાષ્ટ્રના દરિયાકાંઠાના વિસ્તારોમાં છુટો છવાયો હળવા ઝાપટાથી મધ્યમ વરસી જાયઃ દક્ષિણ ગુજરાતમાં જોર વધુ જોવા મળશેઃ આવતા અઠવાડીયે વરસાદનો સાર્વત્રીક રાઉન્ડ આવી રહયાનું વેધરની એક ખાનગી સંસ્થાએ જણાવ્યું છે. access_time 11:39 am IST

  • રેલ્વે કર્મચારીઓને ૭૮ દિવસનું બોનસઃ દેશમાં ઇ-સિગારેટ ઉપર સંપૂર્ણ પ્રતિબંધ : કેન્દ્રીય કેબિનેટની બેઠક યોજાઇઃ મહત્વના નિર્ણયો લેવાયાઃ રેલ્વે કર્મચારીઓને સતત ૬ઠ્ઠા વર્ષે ૭૮ દિવસના બોનસની જાહેરાતઃ ૧૧ લાખ કર્મચારીઓને ફાયદોઃ કેબિનેટે ઇ-સિગારેટ ઉપર સંપૂર્ણ પ્રતિબંધ મુકયોઃ ઇ-સિગારેટના ખરીદ, વેચાણ, વિજ્ઞાપન ઉપર પ્રતિબંધઃ ઇ-સિગારેટની લત હાનિકારક હોવાથી પ્રતિબંધ ફરમાવાયો access_time 3:59 pm IST