Gujarati News

વડોદરામાં સમરસ હોસ્ટેલમાં હોબાળો મચ્યો હતો. સમરસ હોસ્ટેલમાં સારી ગુણવત્તાનું ભોજન ન મળતા વિદ્યાર્થીઓએ હોબાળો મચાવ્યો હતો.

સમરસ હોસ્ટેલમાં 1 હજાર વિદ્યાર્થીઓ રહે છે. અહીં છેલ્લા કેટલાય દિવસોથી યોગ્ય ભોજન અને સ્વચ્છ પાણી ન મળવાની ફરિયાદો ઉઠી હતી. વારંવાર રજૂઆતો કરવા છતા કોઈ કામગીરી થઈ નહોતી. સોમવારે સમસ્યાનો ઉકેલ લાવવાની ખાતરી આપવા છતા કોઈ પગલા ન લેવાતા રોષે ભરાયેલા વિદ્યાર્થીઓએ હોબાળો મચાવ્યો હતો.

જોકે આ અંગે હોસ્ટેલના ચેરમેનને પુછવામાં આવતા તેમણે પણ વિદ્યાર્થીઓને પડતી હાલાકીનો સ્વીકાર કર્યો હતો. સાથે જ કેટરિંગના કોન્ટ્રાક્ટરને નોટિસ આપીને તેનો કોન્ટ્રાક્ટ રદ કરાવવા પ્રયાસ થશે તેવી ખાતરી પણ આપી હતી. જોકે પાણીની સમસ્યા કોર્પોરેશન કાર્યવાહી કરશે તેમ જણાવ્યું હતુ.