Gujarati News

Gujarati News

News of Tuesday, 17th September 2019

પ્રફુલ સાડી ખંડણી પ્રકરણમાં શિલ્પા શેટ્ટીની માતા સુનંદાને સુરત કોર્ટનું નોન બેલેબલ વોરન્ટ ઇશ્યૂ

30મીએ સુનંદા શેટ્ટીને કોર્ટમાં હાજર રહેવા આદેશ

 

સુરત : પ્રફુલ સાડી ખંડણી પ્રકરણમાં શિલ્પા શેટ્ટીની માતા સુનંદાને કોર્ટનું નોન બેલેબલ વોરન્ટ ઇશ્યૂ કરાયુ છે. અને આગામી 30મી તારીખે સુનંદા શેટ્ટીને કોર્ટમાં હાજર રહેવા આદેશ કર્યો છે

 અત્રે ઉલ્લેખનીય છે કે વર્ષ 2003માં પ્રફુલ સાડીની એડ માટે શિલ્પા શેટ્ટીએ મોડલિંગ કર્યુ હતું. માટે પેમેન્ટ ચૂકવાયુ હતું. પરંતુ કરારની તારીખ પૂર્ણ થયા બાદ પણ પ્રફુલ્લ સાડીની શિલ્પા શેટ્ટીની એડ ચાલુ રહેતા શિલ્પા શેટ્ટીની માતા સુનંદા શેટ્ટીએ એડ બંધ કરવા અને બાકી પેમેન્ટની માંગણી કરી હતી. જે અંગે ફરિયાદી પંકજ અગ્રવાલે વર્ષ 2003માં સુરતના ઉમરા પોલીસ મથકમાં ફરિયાદ નોંધાવી હતી કે સુન્નદા શેટ્ટીએ અંડર વર્લ્ડ ડોન ફજલુ રહેમાન થકી ખંડણીની માગણી કરી હતી. જે અંગે સુનંદા શેટ્ટીએ કોર્ટમાં કેસ ડિસ્ચાર્જ અરજી મૂકી હતી. જેને રદ કરવામાં આવી છે. અને સુરત કોર્ટે સુનંદા શેટ્ટી સામેના કેસના ચાર્જફ્રેમ માટે 30મી સપ્ટેમ્બરના રોજ કોર્ટમાં હાજર રહેવા આદેશ કર્યા છે

(12:28 am IST)
  • પ્રજાના ખિસ્સા ખંખેરવાનું બંધ કરો : જનતા હવે સરકારને સવાલો કરતી થઈ : પરેશ ધાનાણીની સટાસટી : વિપક્ષી નેતા પરેશ ધાનાણીએ આજે બપોરે પ્રેસ કોન્ફરન્સ સંબોધી ભાજપ સરકાર ઉપર આક્ષેપોની ઝડી વરસાવતા કહ્યું કે, સરકાર અલગ અલગ ટેકસ ઝીંકી લોકો પાસેથી કોઈપણ રીતે ટેક્ષ વસૂલ કરે છે : નવા મોટર વ્હીકલ એકટ અંગે શ્રી ધાનાણીએ કહ્યુ કે પહેલા માર્ગો ઉપરના રસ્તાનું સમારકામ કરાવો, એસટીની વ્યવસ્થા સારી કરો, શહેરોમાં ચોકે ચોકે આવેલ સિગ્નલોન ચાલુ કરાવો : સરકારી વાહનોનો દૂરૂપયોગ બંધ કરાવો : આજે લોકોને વાહન ચલાવવુ મુશ્કેલ બની ગયુ છે : સરકાર રોજગાર આપવામાં નિષ્ફળ ગઈ છે : ટ્રાફીકના નવા આકરા નિયમોનો અમલ કરતા પ્રજાજનો ત્રાહીમામ પોકારી ગઈ છે : પ્રજાના બજેટ વેરવિખેર થઈ ગયા છે : હવે રાજયની જનતા પણ સરકારને સવાલ પૂછતી થઈ ગઈ છે access_time 3:57 pm IST

  • રાત્રે 11 વાગે: મહારાષ્ટ્રના કેટલાક વિસ્તારોમાં આજે રાત્રે તોફાની પવન સાથે બેફામ વરસાદ પડવા સંભવ:આજે રાત્રે 40 કિલોમીટરની ઝડપે તોફાની પવન સાથે રાયગઢ, મુંબઈ, રત્નાગીરી, સતારા અને સાંગલી પંથકમાં બેફામ વરસાદ પડશે તેવી હવામાન ખાતાએ જાહેરાત કરી છે.. access_time 11:29 pm IST

  • આવતીકાલ 19 સપ્ટેમ્બર ગુરુવારે ટ્રાન્સપોર્ટરોની દેશવ્યાપી હડતાલ : નવા ટ્રાફિક નિયમોના જંગી દંડ વિરુધ્ધ એલાને જંગ access_time 12:31 pm IST