Gujarati News

Gujarati News

News of Wednesday, 18th July 2018

નાના મુવાડા નજીક વોરંટ પર નીકળેલ પોલીસ પર જીવલેણ હુમલો

કપડવંજ: તાલુકાના નવા મુવાડા તાબે પોરડામાં કોર્ટનું વોરંટ બજાવવા ગયેલ પોલીસને અમે પોલીસ સ્ટેશનમાં નથી આવવાના તેમ કહી આરોપીઓએ ખેંચતાણ કરી ખાખી વર્દીના બટન તોડી નાંખ્યા હતા. આ બનાવ અંગે કઠલાલ પોલીસે પિતા-પુત્ર સહિત ત્રણ ઈસમો સામે સરકારી કામમાં રૂકાવટનો ગુનો નોંધી કાયદેસર કાર્યવાહી હાથ ધરી છે. 
પોલીસ સૂત્રોમાંથી મળેલ વિગત મુજબ કઠલાલ તાલુકાના નવામુવાડા તાબે પોરડામાં થોડા સમય પહેલાં પરમાર પરિવારો વચ્ચે ઝઘડો થયો હતો. જેમાં મોતીભાઈ પરમાર સામે કઠલાલ પોલીસ સ્ટેશનમાં ગુનો નોંધાયો હતો. આ અંગેની ચાર્જશીટ કઠલાલ જ્યુડિશીયલ કોર્ટમાં રજૂ થતાં કેસની સુનાવણી શરૂ થઈ હતી. જેમાં મુદત હોવા છતાં આરોપીઓ કોર્ટમાં હાજર થતા ન હતા. જેથી કોર્ટે આરોપીઓ સામે લાલ આંખ કરી હાજર પકડ વોરંટ બજાવવા તેમના ઘરે નવામુવાડા ગામે ગયા હતા ત્યારે મનુભાઈ મોતીભાઈ અને સંજય જવાનસિંહ પરમારે પકડ વોરંટ બજાવવા ગયેલ પોલીસ કર્મીને જણાવેલ કે અમે પોલીસ સ્ટેશન નથી આવવા, અમારો સાહેબ નથી, તારાથી થાય તે કરી લેજે. જ્યારે ગીરીશભાઈ મનુભાઈ પરમારે પોલીસ કર્મીને બિભત્સ ગાળો બોલી તું અહીંથી જતો રહે તેમ જણાવ્યું હતું. તો બીજી બાજુ પોલીસના કામમાં સહકાર આપવાને બદલે આરોપી મનુભાઈએ અમૃતભાઈ રમતુભાઈને પકડી ખેંચતાણ કરી ગડદાપાટુ માર માર્યો હતો. એટલું જ નહિ પોલીસની વર્દીના બટન તોડી નાંખી પોલીસની ફરજમાં રૂકાવટ કરી હતી. નાનકડાં એવા નવા મુવાડામા આરોપીઓને વોરંટ બજાવવા ગયેલ પોલીસ હીચકારો હુમલાના બનાવે ભારે ચકચાર મચી જવા પામી હતી. આ બનાવ અંગેની જાણ થતાં કઠલાલ પોલીસે દોડી જઈ પિતા-પુત્ર સહિત ત્રણ આરોપીઓની અટક કરી હતી. 
આ બનાવ અંગે અમૃતભાઈ રમતુભાઈ ની ફરિયાદ આધારે કઠલાલ પોલીસે મનુભાઈ મોતીભાઈ, સંજયભાઈ જવાનસિંહ તેમજ ગીરીશભાઈ મનુભાઈ પરમાર સામે ગુનો નોંધી કાયદેસર કાર્યવાહી હાથ ધરી છે.

(4:51 pm IST)
  • રાત્રે ગ્રેટર નોઈડામાં બે બિલ્ડીંગ ધરાશયી: છ માળની બિલ્ડીંગ અને નિર્માણાધીન ચાર માળની ઇમારત તૂટી પડતા કાટમાળમાં 50થી વધુ લોકો દટાયા હોવાની આશંકા :એનડીઆરએફની ટીમ ઘટનાસ્થળે પહોચી :સાંકડી ગલી હોવાના કારણે બચાવકાર્યમાં મુશ્કેલી :છ માળની ઇમારત નિર્માણાધીન ચાર માળની બિલ્ડીંગ પર તૂટી પડી :દરેક માળમાં પાંચ ફ્લેટ હતા :સીએમ યોગીએ તંત્રને રાહતકાર્યના આપ્યા આદેશ access_time 1:24 am IST

  • મત કોને આપ્યો ?: પાકિસ્તાનમાં આવો સવાલ પૂછવો પડશે મોંઘો : સવાલ પૂછનારને થશે જેલ અને દંડ :જેલ અને દંડ બંને પણ થઇ શકે છે;પાકિસ્તાનના ચૂંટણી પંચે આવા કેટલાય કાર્યો પર પ્રતિબંધ લગાવ્યો :આચાર સંહિતાનું ઉલ્લંઘન માનીને કાનૂની કાર્યવાહી કરાશે access_time 1:34 am IST

  • દેશના ટોચના સામાજિક કાર્યકર્તા સ્વામી અગ્નિવેશ સાથે મારકૂટ કરવાના મામલે આઠ લોકો સામે ગુન્હો દાખલ :ભાજપ કિશાન મોરચાના પ્રદેશ મંત્રી અનંત તિવારી,ભાજપ યુવા મોરચાના જિલ્લા અધ્યક્ષ પ્રસન્ના મિશ્રા,ભજપના જિલ્લા મહામંત્રી બલરામ ડૂબે,પાકુડના જિલ્લા મંત્રી ગોપી ડૂબે,બજરંગદળના પિન્ટુ મંડળ,અશોક પ્રસાદ,શિવકુમાર સાહા અને બદલ મંડળના નામનો સમાવેશ access_time 1:07 am IST