Gujarati News

અમદાવાદઃ તાજેતરમાં રાજ્યમાં લેવામાં આવેલ SSC બોર્ડની એક્ઝામમાં અંગ્રેજી ભાષાના પેપરમાં ફક્ત ચોરી નહીં પરંતુ સામુહિક ચોરીના કિસ્સો સામે આવતા ગુજરાત માધ્યમિક અને ઉચ્ચતર માધ્યમિક એજ્યુકેશન બોર્ડ(GSHSEB) પણ ચોંકી ગયું છું. બોર્ડ દ્વારા આ કિસ્સામાં પંચમહાલ જિલ્લાના શેહેરા ખાતેના કાવલી પરીક્ષા સેન્ટરના 96 વિદ્યાર્થીઓ કે જેમણે પરીક્ષામાં એકબીજાની નકલ કરી હોય તેવો કિસ્સો પકડી પાડ્યો છે.

આ વિદ્યાર્થીઓની ચોરી પકડાવનાર બીજુ કોઈ નહીં પરંતુ તેમનો બેસ્ટ ફ્રેન્ડ ‘વિક્રમ’ છે. આ વિક્રમ એટલે આ વિદ્યાર્થીઓએ લખેલા નિબંધ ‘My best friend’નું પાત્ર કે જેને આ વિદ્યાર્થીઓએ વિક્રમ તરીકે ઓળખાવ્યો છે. કહેવાય છે કે નકલમાં અક્કલ હોતી નથી. તેવું જ આ વિદ્યાર્થીઓએ કર્યું અને ભરાઈ પડ્યા એકબીજામાંથી નકલ કરવામાં આ વિદ્યાર્થીઓએ પોતાના બેસ્ટ ફ્રેન્ડનું નામ સુદ્ધા બદલ્યું નહોતું.

GSHSEBના સૂત્રે કહ્યું કે, બોર્ડ રાજ્યના કેટલાક સેન્ટર પર સામુહિક કોપી બાબતે પહેલાથી જ એલર્ટ હતું. જેમાં કવાલી, ગોંડલ, મોટા કોંડા, કોડિનાર, મહિસાગર અને મોરવા રૈના સહિતના સેન્ટર છે. જેથી બોર્ડે આ સેન્ટરના લગભગ 240 જેટલા વિદ્યાર્થીઓના પેપરને શંકાના આધારે જુદા તારવ્યા હતા.

બોર્ડના સભ્ય કહ્યું કે, ‘કવાલી સેન્ટરના 96 વિદ્યાર્થીઓએ શિક્ષકની મદદથી અથવા તો ચબરખીની મદદથી ચોરી કરી હોવાનું તેમના પેપર તપાસતા જોવા મળે છે. કેમ કે આશ્ચર્યજનક રીતે તેમના નિબંધ એકબીજા સાથે એટલા બધા સમાન છે કે આ દરેક 96 વિદ્યાર્થીઓનો બેસ્ટ ફ્રેન્ડ વિક્રમ છે, જે ટેનિસ રમે છે. બધા જ વિક્રમને સ્કૂલમાં મળ્યા હતા. તે ખૂબ જ હોંશિયાર વિદ્યાર્થી છે અને તેને પર્યાવરણ પ્રત્યે ખૂબ પ્રેમ છે. તેટલું જ નહીં ભૂલમાં પણ આ 96 ‘બેસ્ટ ફ્રેન્ડ’ એકબીજાની સાથે છે. બધાએ એક જગ્યાએ ‘him’ની જગ્યાએ ‘in’ શબ્દ લખી નાખ્યો છે.’

જેને લઈને બોર્ડે આ તમામ વિદ્યાર્થીઓને ગાંધીનગર ખાતે તેડું મોકલ્યું છે. જ્યારે મોટાભાગના વિદ્યાર્થીઓ પોતાના નિબંધનું ટાઇટલ માય બેસ્ટ ફ્રેન્ડ પણ સાચું લખી શક્યા નથી તો નિબંધ કેમ લખી શખે. તો કેટલાકે વિક્રમના સ્પેલિંગમાં પણ ભૂલ કરી છે. તો બીજી મોટી વાત છે કે સ્કૂલમાં એક્ઝામ સમયના CCTV ફૂટેજ પૂરા નથી. વચ્ચે વચ્ચે લાઇટ જતી રહેતા હોવાનું કહીને આ ફૂટેજ પણ અધૂરી છે.

બોર્ડના ચેરમેન એ.જે. શાહે કહ્યું કે, ‘આ મામલે છેટ મૂળ સુધી પહોંચાવા માટે બોર્ડ કટિબદ્ધ છે. તમામ દોષિતો સામે જરુર પગલા ભરવામાં આવશે. અમે એક્ઝામિનેશન સેન્ટરના મુખ્ય સુપરવાઇઝર અને અન્ય સુપરવાઇઝર ટીચરર્સને પણ સવાલ-જવાબ માટે ગાંધીનગર બોલાવ્યા છે. જો તેમાં કોઈ ગુનામાં સામેલ જણાશે તો તેમની વિરુદ્ધ કાયદેસરની કાર્યવાહી કરવાં આવશે.’