Gujarati News

Gujarati News

News of Sunday, 18th April 2021

ગુજરાત-રાજસ્થાન બોર્ડર ઉપર ગાડીમાંથી લાખો રૂપિયા મળ્યા

દારૂના બદલે લાખો રૂપિયા મળતા આશ્ચર્ય : ૮૦ લાખ રોકડ સહિત ૯૦ લાખના મુદ્દામાલ સાથે બે શખ્સની અટકાયત : પોલીસે વધુ તપાસ હાથ ધરી

અરવલ્લી, તા. ૧૮ : જિલ્લાના શામળાજી નજીકની રાજસ્થાન સરહદને જોડતી રતનપુર ચેકપોસ્ટ ઉપરથી એક કારમાં ચોર ખાનું બનાવી તેમાં ભરી લવાતા ૮૦ લાખ રૂપિયા રોકડા પોલીસે ઝડપી પાડયા છે. ત્યાર બાદ આ રોકડ રકમ ભરી લઇ આવતા રાજસ્થાનના બે શખ્સોની અટકાયત કરી કાયદેસરની કાર્યવાહી હાથ ધરી છે. નાણા ક્યાંથી આવ્યા અને કોના છે અને કોને પહોંચાડવાનાં હતા તે અંગે તપાસ હાથ ધરી છે.

અરવલ્લી જિલ્લા પોલીસ વડા સંજય ખરાતની સૂચના મુજબ શામળાજી પીએસઆઇ તેમના સટાફ સાથે શામળાજી નજીકની રાજસ્થાન સરહદને જોડતી રતનપુર ચેકપોસ્ટ ઉપર કોરોનાને પગલે આરટીપીસીઆર રિપોર્ટ અંગે  રાજસ્થાન બાજુથી આવતા વાહનોનું ચેકીંગ કરી રહયા હતા. દરમિયાનમાં રાજસ્થાન બાજુથી એક કિયા કાર આવી રહી હતી. જે પણ તપાસ અર્થે ઉભી રખાવી હતી ત્યાર બાદ આ કારમાં તપાસ હાથ ધરાતા તેમાં આગળની સીટ નીચે ચોર ખાનું  બનાવી તેમાં ભરી રાખેલી ૮૦ લાખ રૂપિયાની બિન હિસાબી નોટો મળી આવી હતી. ત્યારે પોલીસે આ અંગે કારમાં બેઠેલા ત્રણ શખ્સોને પુછતા રૂપિયા અંગે કોઈ  સંતોષ કારક જવાબ નહિ મળતા આ નોટો સહીત ત્રણેય શખ્સોની અટકાયત કરી જાણવાજોગ ફરિયાદ નોંધી કાર્યવાહી હાથ ધરી છે. સમગ્ર મામલે ઈક્ન્મટેક્ષ વિભાગને પણ જાણ કરાઈ છે જ્યારે આ ત્રણેય શખ્સો આ રૂપિયા ક્યાં લઇ જતા હતા કોને આપવાના હતા  જુદા મુદ્દે ઝડપાયેલા શખ્સો પાસેથી તપાસ કરવામાં આવી રહી છે.

આ મામલે શામળાજી પોલીસમાં ગુનો નોંધવામાં આવ્યો છે આ ગુના હેઠળ મદન રોડીલાલ સાવલી , રાહુલ ગોવિંદરામ ગખરેજા ,અને કિશનલાલ પ્રેમકુમાર લોહાર રહેવાસી રાજસ્થાન નામના ત્રણ શખ્સોની અટકાયત કરી કાયદેસરની કાર્યવાહી હાથ ધરી છે. શામળાજી બોર્ડર પર સામાન્યરીતે દારૂ પકડાતો હોય છે પરંતુુ પહેલીવાર નાણા મળ્યા હોવાનું સામે આવ્યું છે.

(8:58 pm IST)
  • દિલ્હીમાં સ્થિતિ ગંભીર : કેટલીય હોસ્પિટલોમાં માત્ર 3-4 કલાક ચાલે એટલું જ ઑક્સીજન બચ્યું : પરિસ્થિતિ ગંભીર બની છે : દિલ્હીના ઉપમુખ્યમંત્રી મનીષ સિસોદિયાનું મોટું નિવેદન access_time 6:10 pm IST

  • કેન્દ્ર સરકાર દ્વારા COVID-19 દર્દીઓની માંગને પહોંચી વળવા ઉદ્યોગોને ઓક્સિજનના સપ્લાય પર પ્રતિબંધ મુક્યો access_time 10:09 pm IST

  • રાજકોટના સાંસદ મોહન કુંડારીયાની રાજકોટ જીલ્લાને વધુ એમ્બ્યુલન્સ (૧૦૮) ફાળવવા માંગણી : જિલ્લા આયોજન મંડળના અધિકારીને પાઠવ્યો પત્ર access_time 2:23 pm IST