Gujarati News

Gujarati News

News of Sunday, 18th April 2021

હવે હોમ કવોરેન્ટાઇન દર્દીઓ માટે ગુજરાતમાં આવશે આકરા નવા નિયમો : હોમ કોરોન્ટાઇન દર્દીઓનું સુપરવિઝન તે ઝોનના અધિકારીઓને સોંપાશે

ગાંધીનગર : કોરોનાના કેસનો આંકડો 9000 ને પાર કરી ચૂક્યો છે. કોરોનાની લહેર અનેક લોકોનો જીવ લઈ ચૂકી છે. સાથે હાલ ગુજરાતની લગભગ તમામ હોસ્પિટલો કોરોનાના દર્દીઓથી હાઉસફુલ છે. તો અનેક લોકો હોમ ક્વોરેન્ટાઈન માં સારવાર લઈ રહ્યાં છે. ત્યારે હવે સરકાર હોમ ક્વોરેન્ટાઈન દર્દીઓ માટે નવા નિયમો લાગુ કરવા જઈ રહી છે તેવુ સૂત્રો દ્વારા જાણવા મળ્યું છે.

હોમ ક્વોરેન્ટાઈન દરમિયાન અનેક દર્દીઓ નિયમોનો ભંગ કરતા હોય છે તેવુ જોવા મળે છે. ત્યારે હવે રાજ્ય સરકાર હોમ ક્વોરેન્ટાઈન દર્દીઓ માટે કડકાઈ દાખવવાના મૂડમાં છે. જલ્દી સરકાર હોમ ક્વોરેન્ટાઈન દર્દીઓ માટે કડક નિયમો બનાવવા જઈ રહી છે. જેમાં કન્ટેઈનમેન્ટ ઝોનમાં અધિકારીઓ સીધુ દર્દીઓનું મોનિટરિંગ કરશે. હોમ ક્વોરેન્ટાઈનમાં રહેતા પોઝિટિવ દર્દીઓ નિયમોનું પાલન નહિ કરે તો કાર્યવાહી કરવા સરકારે વિચારણા હાથ ધરી છે. જે જલ્દી લાગુ કરવામાં આવનાર છે.

રાજ્યમાં કોરોનાએ હાહાકાર મચાવ્યો છે. કોરોનાએ ગુજરાત મોડેલ ને છિન્નભિન્ન કરી નાંખ્યું છે. આવામાં હોમ ક્વોરેન્ટાઈન દર્દીઓની સંખ્યા ઘણી મોટી છે. ગુજરાતમાં અત્યારે અનેક દર્દીઓ હોમ ક્વોરેન્ટાઈન છે. જેમાં અમદાવાદ, સુરત, વડોદરા, રાજકોટમાં સૌથી વધુ છે. શહેરો કોરોનાના હોટસ્પોટ છે. ત્યારે આવા શહેરોમાં હોમ ક્વોરેન્ટાઈન દર્દીઓ નિયમોનું પાલન કરતા નથી તેવી ચારેતરફથી ફરિયાદો મળી રહી છે. તેથી હવે સરકાર નિયમો લાગુ કરવા મજબૂર બની છે.

તો બીજી તરફ, કોરોના વકરતા ઓક્સિજન સપ્લાયની અછત સર્જાઈ રહી છે. ત્યારે મામલે રાજ્ય સરકાર એક્શન મોડમાં આવી છે. ઓક્સિજન પ્લાન્ટ પર હવે સરકારની સીધી નજર રહેશે. હવેથી અન્ય રાજ્યોની ઓક્સિજન સપ્લાય નહિ અપાય. ઓક્સિજન સપ્લાય અને પ્લાન્ટ પર દેખરેખ માટે સરકારી અધિકારીને જવાબદારી સોંપવામાં આવી છે. ઓક્સિજનના વાહન પર પોલીસ સીધી નજર રાખશે. ત્યારે રાજ્ય સરકારે કોરોનાના વકરતા કહેર વચ્ચે નિર્ણય કર્યો છે.

(12:58 pm IST)
  • પ્રાંતિજમાં વેપારીઓનો સ્વૈચ્છિક નિર્ણય : વેપાર ધંધા બપોરે ૩-૦૦ સુધી જ ખુલ્લા રહેશે : કોરોનાને મહાત આપવા વેપારીઓ એક થયા : ૩૦ એપ્રિલ સુધી આ નિર્ણય અમલમાં રહેશે access_time 1:06 pm IST

  • શંકરસિંહ બાપુના નાના ભાઈનું કોરોનાથી અવસાન થયું : પૂર્વ મુખ્યમંત્રી શ્રી શંકરસિંહ વાઘેલાનાં નાના ભાઈ શ્રી કનુસિંહ વાઘેલાનું કોરોનાની સારવાર દરમિયાન અવસાન થયું છે. access_time 1:16 pm IST

  • ઈરાનમાં જોરદાર ભૂકંપ : US ભૂસ્તરશાસ્ત્રીય સર્વે અનુસાર 5.8 રિક્ટર સ્કેલની તીવ્રતાનો ભુકંપ ઈરાનના બંદર-એ ગણેવેહમાં આવ્યો છે. access_time 9:05 pm IST