Gujarati News

Gujarati News

News of Sunday, 18th April 2021

મોરવા હડફ વિધાનસભાની પેટા ચૂંટણી માટે 42.60 ટકા મતદાન: 2 મેએ થશે મત ગણતરી

52028 પુરૂષ મતદારો અને 41338 સ્ત્રી મતદારો દ્વારા મતદાન કરાયુ

મોરવા હડફ વિધાનસભાની પેટા ચૂંટણી માટે મતદાન થયુ હતું. જેમાં સવારના 7 વાગ્યાથી સાંજે 6 વાગ્યા સુધીમાં 42.60 % મતદાન થયુ હતું. હવે મોરવા હડફ વિધાનસભા પેટા ચૂંટણીની મત ગણતરી 5 રાજ્યોની વિધાનસભા ચૂંટણીની મતગણતરીની સાથે જ 2 મેએ થશે.

મોરવા હડફ વિધાનસભા પેટા ચૂંટણીમાં 42.60 % મતદાન થયુ હતું. જેમાં 52028 પુરૂષ મતદારો અને 41338 સ્ત્રી મતદારો દ્વારા મતદાન કરવામાં આવ્યુ હતું. ચૂંટણી શાંતિપૂર્ણ વાતાવરણમાં પૂર્ણ થઇ હતી અને કોઇ અનિચ્છનીય બનાવ બન્યો નહતો.

મોરવા હડફ વિધાનસભા બેઠકના ત્રણ ઉમેદવારોનું ભાવી EVMમાં સીલ થઇ ગયુ છે. ભાજપે આ બેઠક પરથી સુથાર નિમિષાબેન મનહરસિંહને મેદાનમાં ઉતાર્યા હતા જ્યારે કોંગ્રેસે કટારા સુરેશભાઇ છગનભાઇને ટિકિટ આપી હતી. આ બેઠક પર એક અપક્ષ ઉમેદવાર પણ મેદાનમાં છે. અપક્ષમાંથી સુશિલાબેન પરશોત્તમ ભાઇ મૈડા ચૂંટણી લડી રહ્યા હતા.

ભારતના ચૂંટણી પંચની સૂચના અનુસાર મતદાન થયેલ ઇવીએમની સુરક્ષા માટે CCTV કેમેરા ઉપરાંત સ્ટ્રોંગરૂમ ફરતે ચોવીસ કલાક દ્વિસ્તરીય ચુસ્ત સુરક્ષા બંદોબસ્ત રાખવામાં આવ્યો છે, જેમાં આંતરીક રીતે કેન્દ્રિય અર્ધ લશ્કરી દળોના જવાનો અને બાહ્ય રીતે રાજ્ય અનામત પોલીસ દળના જવાનો ફરજ બજાવશે.

(1:05 am IST)
  • દેશમાં કોરોનાનો હાહાકાર : હજુ 10 રાજ્યોએ આજના નવા કોરોના કેસના આંકડાઓ રિપોર્ટ કરવાના બાકી છે, ત્યાં જ અત્યાર સુધીમાં ભારતમાં સતત ત્રીજા દિવસે 2,12,000 થી વધુ નવા કોરોના વાયરસના કેસ અને 1130 થી વધુ દુઃખદ મૃત્યુ નોંધાય ચુક્યા છે. access_time 10:12 pm IST

  • ભારતમાં ૨૪ કલાકમાં ૨.૩૪ લાખ 'એવર-હાઈ' કોરોના કેસ: અમેરિકામાં ૮૨ હજાર અને બ્રાઝિલમાં ૭૬ તથા ફ્રાન્સમાં ૩૬ હજાર કોરોનાના નવા કેસ નોંધાયા: સમગ્ર વિશ્વમાં કોરોનાનો ભયાનક ફૂંફાડો: ગુજરાતમાં અમદાવાદમાં ૨૮૪૨, સુરતમાં ૧૫૨૨, રાજકોટ ૭૦૭ અને વડોદરા ૪૨૯ કોરોના કેસ સાથે કોરોનાથી થરથર ધ્રૂજે છે access_time 5:54 pm IST

  • ઈન્ડિયન પ્રીમિયર લીગની 14 મી આવૃત્તિની મધ્યમાં ચેન્નાઈ સુપર કિંગ્સ માટે ખરાબ સમાચાર સામે આવ્યા છે. ટીમના સ્પિન કોચ મુથૈયા મુરલીધરનની તબિયત અચાનક બગડી હતી અને ત્યારબાદ તેને ચેન્નઈની એપોલો હોસ્પિટલમાં દાખલ કરવામાં આવ્યા છે. જાણવા મળ્યું છે કે તેની છાતીમાં અચાનક દુખાવો થયો હતો, ત્યારબાદ તેને હોસ્પિટલમાં દાખલ કરવામાં આવ્યા હતા. access_time 11:02 pm IST