Gujarati News

Gujarati News

News of Thursday, 18th April 2019

કમોસમી વરસાદનો લાભ કેસર પ્રેમીઓને

તાલાળામાં પડેલા કમોસમી વરસાદને લીધે કેસરના ઉત્પાદકોને કેરી ઉતારી લેવાની ફરજ પડી છે

અમદાવાદ તા.૧૮: મંગળવારે પડેલા કમોસમી વરસાદના કારણે ઘઉંના પાકને દેખીતું નુકસાન થયું તો સાથોસાથ ગોંડલ પંથકમાં ઢોલરિયા મરચાંને અને જૂનાગઢ તથા તાલાળાની કેસર કેરીને પણ પુષ્કળ નુકસાન થયું છે. કેસર કેરીના પાકને થયેલા નુકસાનનો સીધો લાભ કેસરપ્રેમીઓને થશે. કમોસમી વરસાદના કારણે એવી પરિસ્થિતિ ઊભી થઇ છે કે તૈયાર થઇ રહેલી કેરી હવે લાંબો સમય ઝાડ પર રાખી શકાશે નહીં. જો રાખે તો એમાં જીવાત થઇ જાય. આવું ન બને એની માટે ખેડૂતોએ પાક ઉતારવાનો શરૂ કરી દીધો છે અને ઊતરેલા પાક પણ બજારમાં ફટાફટ આવશે. સામાન્ય રીતે એપ્રિલ ઊતરતાં કેસરનો ભાવ ઘટતો હોય છે, પણ આ વખતે એવું બનશે કે એપ્રિલમાં જ કેસરનો ભાવ ગગડી જશે.

અત્યારે કેસરનો ભાવ ૧૬૦ થી ૨૦૦  રૂપિયા (પ્રતિ કિલો) છે જે આવતા અઠવાડિયાની શરૂઆતમાં સો રૂપિયાની આસપાસ થઇ જાય એવી ગણતરી રાખવામાં આવે છે. બીજું કે માર્કેટમાં મોટી માત્રામાં કેસર આવશે પણ બજારની ક્ષમતા નહીં હોવાને લીધે કેસરનો મોટો જથ્થો મુંબઇ અને મહારાષ્ટ્ર ડાયવર્ટ કરવામાં આવશે જેને લીધે કેસર આ વખતે મુંબઇગરાઓને વહેલી ખાવા મળશે.(૧.૪)

(2:18 pm IST)
  • ચૂંટણી આયોગની ફ્લાઈંગ સ્ક્વોડે હેલિપેડ પર બીએસ યરદુરપ્પાના સામાનનું કર્યું ચેકીંગ : કર્ણાટકના શિવમોગ્ગામાં હેલિપેડ પર ભાજપ નેતા અને રાજ્યના પૂર્વ મુખ્યમંત્રી યરદુરાપ્પા અને કે,એસ,ઈશ્વરપ્પાના સામાનનું તલાસી લેવાઈ હતી access_time 1:24 am IST

  • મતદારો નિરુત્સાહ રહ્યા : લોકસભાની ચૂંટણીના બીજા ફેઝમાં મતદાન, 2014 કરતા થોડું ઓછું રહ્યું : ઓરિસ્સામાં -14.48%, તામિલનાડુમાં -8.73%, પુન્ડુચેરીમાં -6.63%, જમ્મુ એન્ડ કશ્મીરમાં -5.13%, પશ્ચિમ બંગાળમાં -5.13%,આસામમાં -2.42%, મહારાષ્ટ્રમાં -1.69%, છત્તીસગઢહમાં -1.62%, કર્ણાટકમાં -0.63%, બિહારમાં -0.09%, ઉત્તર પ્રદેશમાં +0.3% અને મણિપુરમાં +1.23% મતદાનની ટકાવારી રહી access_time 2:10 am IST

  • ન્યાય માટે મતદાન કરજો : કોંગ્રેસ અધ્યક્ષ રાહુલ ગાંધીએ બીજા તબક્કાનાં મતદાન અંગે ટ્વિટ કર્યું :છે. NYAY માટે રાહુલે લખ્યું છે કે, 'મતદારો જ્યારે આજે મતદાન કરવા માટે ઘરમાં બહાર આવે તો ધ્યાન રાખે કે તમે ન્યાય માટે વોટ કરજો access_time 11:45 am IST