Gujarati News

Gujarati News

News of Monday, 18th March 2019

ગુજરાતમાં સ્પ્રીંગની જેમ દબાયેલો આંતરિક અસંતોષ ભાજપ માટે માથાના દુઃખાવારૂપઃ સ્થાનિક અને આશાસ્પદ નવા ચહેરા પસંદ થાય તેવી કાર્યકરોની લાગણી

 ગાંધીનગર તા ૧૮ :  દેશમાં લોકસભાની ચુંટણી જાહેર થતાની સાથેજ તમામ રાજકીય પક્ષો પોતાના ઉમેદવારોની પસંદગીમાં લાગી ગયા છે. જયારે મુખ્ય રાજકીય મોટા પક્ષો અને તેના સંગઠન દ્વારા ત્રણથી ચાર સભ્યોના નામોની પેનલ બનાવવાની કવાયત કરી રહ્યા  છે.

ભારતના વડા પ્રધાન માટે આ વખતની ચુંટણી પ્રતિષ્ઠાભરી ગણવામાં આવી રહી છે. આ વખતે ે ભાજપે પોતાની પાસે બહુમતી હોવા  છતાં કોંગ્રેસમાંથી  સભ્યો લાવી પ્રધાનપદ   બોર્ડ-નિગમ ચેરમેન વગેરે હોદાઓ આપતા ભાજપના સિનીયર કાર્યકરોમાં એક ચોકસ નારાજગી ઉભી થવા પામી છે. આ નારાજગી આવનાર દિવસોમાં  કેવી રાજકીય ભુમિકા ભજવશે તે તો સમય જ બતાવશે.

ભાજપ અને કોંગ્રેસ આ વખતની ચુંટણીમાં નવા ચહેરાઓ મુકવાની દિશામાં આગળ વધી રહયા છે.

આ વખતની લોકસભાની ચુંટણીમાં ભાજપને અંદરો અંદરની  નારાજગીનો સામનો કરવો પડે તેવી પરિસ્થિતીનું નિર્માણ થયું હોય તેમ દેખાઇ રહયું છે.

ગુજરાતની વાત કરીએ તો મોટા ભાગની બેઠકો  ઉપર ભાજપના  સિનિયર કાર્યકરોમાં લોકલ ઉમેદવારની પસંદગી કરવામાં આવે તેવો અવાજ ઉઠવા લાગ્યો છે. આ અવાજ કયાં સુધી અને કેવી અસરકારકતા ઉભી કરી શકે તે જોવાનું રહયું છે.

ગુજરાત ભાજપમાં ત્રણ ચાર ટર્મથી ચુંટાઇ આવતા સભ્યોની જગ્યાએ નવા ચહેરાઓ મુકવા જોઇએ તેવી વાત ભાજપના અંતરંગ વર્તુળોમાં  ચર્ચાઇ રહી છે. આમ કેટલીક જગ્યાએ ત્યાં જો આમ કરવામાં નહીં આવે તો પક્ષને નુકશાન ભોગવવાની તૈયારી રાખવી પડશે. રાજયના પાટનગર ગાંધીનગરમાં આ વખતે એેલ. કે. અડવાણી સામે રોષ જાગી રહયો છે.

(3:57 pm IST)
  • સાબરકાંઠા બેઠક ઉપર ભાજપના દિપસિંહ રાઠોડ સાથે ૪ દાવેદારો સાંસદ ડો.મહેન્દ્રસિંહ ચૌહાણ, જયસિંહ ચૌહાણ અને ભીખુસિંહ રમાર આ બેઠક પર રેસમાં: બનાસકાંઠામાં શંકર ચૌધરીએ દાવેદારી પાછી ખેંચી : હરીભાઈ ચૌધરી અને પરથી ભટોળનું નામ ચર્ચામાં: જામનગરમાં વર્તમાન સાંસદ પૂનમ માડમ રીપીટ થઈ શકે : જો કે રીવાબા અને રાઘવજી પટેલનું નામ ચર્ચામાં access_time 5:50 pm IST

  • પશ્ચિમ બંગાળમાં એકલે હાથે ચૂંટણી લડશે કોંગ્રેસ : માર્કસવાદી સામ્યવાદી પક્ષના ડાબેરી મોરચા સાથેની વાતો ગઈકાલે પડી ભાંગ્યા પછી પશ્ચિમ બંગાળ કોંગ્રેસે લોકસભાની ચૂંટણી પશ્ચિમ બંગાળમાં એકલા હાથે લડવાની જાહેરાત કરી છે access_time 3:54 pm IST

  • ડીએમકે દ્વારા 20 ઉમેદવારોની યાદી જાહેર :કનિમોઝી તૂટીકોરીનથી લડશે ચૂંટણી :ભાજપના ઉમેદવાર સાથે કનિમોઝીની થશે ટક્કર :ડીએમકે દ્વારા પેટાચૂંટણી માટે 18 વિધાનસભા ઉમેદવારોના નામ પણ જાહેર કર્યા :તામિલનાડુમાં 18 એપ્રિલે લોકસભા ચૂંટણી થશે :લોકસભા માટેના ઉમેદવારોની યાદીમાં પૂર્વ કેન્દ્રીય મંત્રીઓ ટી,આર,બાલુ,એ,રાજા,દયાનિધિ મારન ,એસ,એસ,પલાનીમનીક્ક્મનો સમાવેશ કરાયો access_time 12:54 am IST