Gujarati News

અમદાવાદ : અમેરીકન રાષ્ટ્રપતિ ડોનાલ્ડ ટ્રમ્પ અમદાવાદ આવી રહ્યા છે ત્યારે કોર્પોરેશન દ્વારા બનાવામાં આવેલ ગરીબીની દિવાલને ઈન્દીરાબ્રીજ સુધી બનાવવામાં આવી છે. વિદેશી મહેમાનોને સ્માર્ટ સીટીમાં ગરીબોની ઝૂંપડપટ્ટી ના દેખાય તે માટે આ દીવાલ બનાવામાં આવી છે. ત્યારે હવે આ દિવાલ બનાવવા મુદ્દે સામાજિક કાર્યકર્તાઓ વિરોધમાં ઉતર્યા છે

   એરપોર્ટથી ઈન્દીરાબ્રીજ સુધીના વિસ્તારમાં આવેલ સરણીયા વાસ કે જ્યા ગરીબો તેમની ઝુંપડપટ્ટી બાંધીને રહે છે. તેઓ વિદેશી મહેમાનોની નજરમાં ન આવે તે માટે આ દીવાલ બનાવી તેમને ઢાંકવામાં આવી રહ્યા છે. હાંસોલ ગામથી શરૂ કરવામાં આવી ગરીબીની દીવાલ છેક ઈન્દીરાબ્રીજ સુધી પહોંચી છે. 7 ફૂટ ઊંચી દીવાલ 1 કિમિના અંતરમાં બનાવામાં આવી છે. જેથી ગરીબોની દીવાલ પાછળ ઝુંપડા ઢંકાઈ જાય અને સ્માર્ટ સીટીની આબરૂ વિદેશી મહેમાન સામે બચી જાય. ત્યારે હવે આ મામલે સામાજિક કાર્યકર્તાઓ મેદાને આવી છે. આ દીવાલથી ચોમાસામાં અનેક સમસ્યાઓનો સામનો સ્થાનિકોએ કરવો પડશે. ત્યારે હવે આના વિરોધમાં કેટલીક મહિલા કાર્યકરો આવી છે.