Gujarati News

Gujarati News

News of Sunday, 18th February 2018

દક્ષિણ ભારત મેડીકલ કોલેજમાં એડમીશનના બહાને રૂ.૧૩ લાખની ઠગાઇના પ્રકરણમાં બે શખ્સો ઝડપાયા

દક્ષિણ ભારત મેડીકલ કોલેજમાં એડમીશનના બહાને રૂ.૧૩ લાખની ઠગાઇના પ્રકરણમાં બે શખ્સો ઝડપાયા

સુરતઃ મેડીકલ કોલેજમાં એડમીશન મામલે રૂ.૧૩ લાખની ઠગાઇ કરવાના પ્રશ્ને બે વ્યકિતની ધરપકડ કરવામાં આવી છે.

સુરતઃ દક્ષિણ ભારતની કોઈપણ મેડિકલ કોલેજમાં એમ.એસ. ઓર્થોપેડિકમાં એડમિશન અપાવવાનું કહી રૂ. 65 લાખ આપવાનું નક્કી કર્યું હતું. જેમાંથી ટુકડે ટુકડે રૂ. 13 લાખ લઈ લીધા બાદ એડમિશન ન અપાવતા મામલો પોલિસ સુધી પહોંચ્યો હતો. આ મામલે ક્રાઈમ બ્રાંચની ટીમે બે યુવાનોની ધરપકડ કરી છે.

2017ના વર્ષમાં એક અખબારમાં જાહેરખબર પ્રસિદ્ધ થઈ હતી કે એમડી-એમએસ મેનેજમેન્ટ ક્વોટામાં એડમિશન મેળવવા સંપર્ક કરો. આ રીતે સુરતના ડો. અજયભાઈ બટુકભાઈ જસાણી (રહેઃહરેકૃષ્ણ સોસાયટી, કતારગામ)એ ઝાકીર હુશેન હયાતખાન નાગોરી (ઉ.વ.44, રહેઃ નાદોતરા ગામ, તા. વડગામ, જિ. બનાસકાંઠા) નો સંપર્ક કર્યો હતો. તેણે અને તેના સાગરીત આકાશ સુધીર ડાભી (ઉ.વ.42, રહેઃ વાયબ્રન્ટ સિલ્વર-1, જૈનદેરાસરની પાછળ, બોપલ, અમદાવાદ,મૂળ રહેઃ જૂનાગઢ) એ સાથે મળી દક્ષિણ ભારતની કોઈ પણ મેડિકલ કોલેજમાં એમ.એસ. ઓર્થોપેડિકમાં એડમિશન અપાવવાનું કહી રૂ. 65 લાખની માગણી કરી હતી. બેંક એકાઉન્ટ અને આંગડિયા મારફતે રૂ. 13 લાખ લઈ લીધા હતા.

ત્યાર બાદ એડમિશન તો ન આપ્યું પણ રૂ. 13 લાખ પણ પરત ન કર્યા. આખરે ડો. જસાણીએ ક્રાઈમ બ્રાંચમાં આ અંગે ગુનો નોંધાવ્યો હતો.

પોલીસે બન્નેની ધરપકડ કરી રૂ. 8 લાખ કબજે કર્યા છે. વધુ તપાસ ક્રાઈમ બ્રાંચના પીએસઆઇ એમ.જી. પાટિલ કરી રહ્યા છે.

 

(11:02 pm IST)
  • ગોવાના મુખ્યમંત્રી મનોહર પરિકરની હાલતમાં થયો સુધાર : બજેટસત્રમાં ભાગ લેશે : તેમની સારવાર મંબઈની લીલાવતી હોસ્પીટલના પ્રસિદ્ધ કેન્સર સ્પેશિયલિસ્ટ ડો. પી. જગન્નનાથની દેખરેખમાં થઈ રહી છે. access_time 10:46 am IST

  • મોરબીમાં ૮-એ નેશનલ હાઇ-વે ચક્કાજામ કરતું લોકોનું ટોળું : પાટણ કાંડના પડઘા અને જીગ્નેશ મેવાણીની ધરપકડના વિરોધમાં દલિતો આવ્યા રસ્તા પર : મુખ્યમંત્રી હાય હાયના કર્યા સુત્રોચ્ચાર : ૨૦થી વધુ શખ્શોની પોલીસે કરી અટકાયત access_time 5:44 pm IST

  • કેનેડાના પ્રધાનમંત્રી જસ્ટીન ટ્રુડેઉ તેમના પરિવાર સાથે આજે ભારતની ૭ દિવસીય યાત્રા માટે દિલ્હી પહોચ્યા હતા. પ્લેનમાંથી બહાર નીકળીને તેમણે પરિવાર સહિત, ભારતીય મુદ્રામાં નમસ્તે કહીને લોકોનું અભિવાદન જીલ્યું હતું. access_time 10:47 am IST