Gujarati News

Gujarati News

News of Monday, 18th January 2021

વડોદરાના સાવલી નજીક મરણના દાખલાના આધારે બોગસ સર્ટિફિકેટ મેળવી જમીન પચાવી પાડનાર ભેજાબાજ વિરુદ્ધ પોલીસ ફરિયાદ

સાવલી:બોગસ મરણ દાખલાના આધારે પ્રોબેટ સર્ટિફિકેટ મેળવી સાવલી તાલુકાના પીલોલ ગામની જમીન પડાવી લેવાનો કિસ્સોબહાર આવતા પોલીસે ભેજાબાજ સામે ગુનો  નોંધી તપાસ હાથ ધરી છે.

પીલોલ ગામમાં રહેતા ગૌતમ ઉદેસિંહ બારીયાએ સાવલી પોલીસમાં નોધાવેલી ફરિયાદમાં જણાવ્યું છે કે પીલોલ ગામની સીમમાં આવેલી શંકરભાઈ મંગળભાઈ પરમારની માલિકીની જમીન તેઓ પાસેથી તા. ૩૦ ઓગસ્ટ ૧૯૭૨ના રોજ મારા દાદી કાશીબેન હોથાભાઈ પરમારે વેચાણ દસ્તાવેજ કરીને લીધી હતી. જમીનની ખરીદી બાદ સરકાર દ્વારા આપવામાં આવતી ખેડૂત પોથીમાં મારા દાદી કાશીબેનનું નામ દાખલ થયું હતું અને વર્ષોથી આ જમીન અમારા કબજામાં છે.

વર્ષ-૨૦૧૮માં પિતરાઈ ભાઈનો મારા પર ફોન આવેલ કે કેટલાક માણસો ખેતરમાં આવીને બોલાચાલી કરતા હતા અને જમીન પોતાની છે તેમ જણાવી ઝઘડો કર્યો હતો. બાદમાં મામલતદાર કચેરીમાં જમીનની નકલો કઢાવતા જાણવા મળ્યું હતું કે વર્ષ-૨૦૦૫માં આ જમીનના મૂળ માલિકના પુત્ર રાવજીભાઈ શંકરભાઈ પરમારે વડોદરામાં ન્યુ સમારોડ પરની નવરચના સોસાયટીમાં રહેતા રાજેશ સેમ્યુઅલભાઇ મેકવાનને કોરા કાગળમાં વિલ કરી જમીન લખી આપેલ અને અને આ વિલને નોટરી રૃબરૃ નોટરાઈઝ કરાવ્યું હતું. 

(5:48 pm IST)
  • એક કરોડની લાંચનો મામલો સીબીઆઈ ત્રાટકી: ત્રણની ધરપકડ CBI (કેન્દ્રીય તપાસ બ્યૂરો)એ 1985ના એક વરિષ્ઠ રેલવે અધિકારી મહેન્દ્રસિંહ ચૌહાણ સહિત 3ની ધરપકડ કરી હોવાનું જાણવા મળે છે. ૧ કરોડ રૂપિયાની લાંચ મામલે ત્રણેયને ઝડપ્યા હોવાના અહેવાલો સોશ્યલ મીડિયામાં વાયરલ થયા છે access_time 8:40 pm IST

  • છેલ્લા ૨૪ કલાકમાં પાંચ હજાર નવા કોરોના કેસ સાથે કેરળ દેશમાં પ્રથમ નંબરે: બીજા નંબરે મહારાષ્ટ્ર ત્રણ હજાર નવા કેસ: ગુજરાત નવા ૫૧૮ કેસ સાથે આઠમા નંબરે રહ્યું છે access_time 10:38 am IST

  • રાજકોટની કોટેચા હાઈસ્કુલના પ્રિન્સીપાલ સહિત ૩ કર્મચારીઓ કોરોના સંક્રમિત : તમામ આઈસોલેટેડ : ધો.૧૦-૧૨ના વિદ્યાર્થીઓ માટે સ્કુલ શરૂ થતાં જ કોરોનાનો ફફડાટ : શહેર - જીલ્લામાં મળી હાઈસ્કુલોમાં કુલ ૬ કર્મચારીઓ કોરોનાની ઝપેટમાં access_time 6:25 pm IST