Gujarati News

Gujarati News

News of Friday, 18th January 2019

સુરત એરપોર્ટમાં ક્લાસવન અધિકારી 30 હજારની લાંચ લેતા ઝડપાયા

એન્યુઅલ મેન્ટેનન્સ કોન્ટ્રાકટના બિલની ટકાવારી પેટે લાંચ માંગી હોવાનો આરોપ

 

સુરત એરપોર્ટમાં ક્લાસ વન અધિકારી રૂપિયા 30 હજારની લાંચ લેતા ઝડપાયા છે. અન્ટી કરપ્શન બ્યુરો દ્વારા મળતી માહિતી મુજબ  સુરત એરપોર્ટ પર ફરજ બજાવતા જોઇન્ટ જનરલ મૅનેજર ( એન્જિનિયરિંગ-સિવિલ), રાધા રમણ ગુપ્તા 30,000 રૂપિયાની લાંચ લેતા ઝડપાઇ ગયા હતા.


   કેસની વિગત મુજબ  કેસનાં ફરીયાદીને સુરત ઐરપોર્ટમાં એન્યુઅલ મેન્ટેનન્સ કોન્ટ્રાકટ ચાલતો હતો અને એના કૂલ બિલની ટકાવારી પેટે કામના આરોપી (રાધા રમણ ગુપ્તા) 30000ની લાંચ ની માંગણી કરી હતી.

   જે લાંચની રકમ ફરિયાદી આપવા માંગતા હોય તેમણે સુરત .સી.બી.નો સંપર્ક કર્યો હતો અને ફરિયાદનાં આધારે આજ રોજ લાંચનું છટકું ગોઠવવામાં આવ્યુ હતું. છટકા દરમિયાન આરોપીએ લાંચના ૩૦,૦૦૦ રૂપિયા લેતા રંગે હાથ ઝડપાઇ ગયા હતા.

    લાંચનું છટકું આરોપીની ઓફિસમાં (એન્જિનિયરીંગ પ્રોજેક્ટ ઓફીસ. સુરત એરપોર્ટ) ગોઠવાયું હતું. ટ્રેપ પોલીસ ઇન્સ્પેક્ટર બી.કે. વણારે ગોઠવી હતી

 

(11:18 pm IST)
  • પત્રકાર રામચંદ્ર છત્રપતિની હત્યા બદલ રામરહીમ સહીત ચારે આરોપીઓને આજીવન કેદ : CBI કોર્ટએ આજ ગુરુવારે રામરહીમ,નિર્મલ,કુલદીપ,અને કિશનલાલને ફરમાવેલી સજા access_time 7:21 pm IST

  • 'મણિકર્ણિકા' ફિલ્મ રિલીઝમાં અડચણ નાખશો તો બરબાદ કરી નાખીશ : અભિનેત્રી કંગના રાનૌતે : કરણી સેનાને ફેંકયો પડકાર ઝાંસીની રાણી લક્ષ્મીબાઈ પર આધારીત ફિલ્મ મણીકર્ણિકાનો કરણી સેનાએ વિરોધનો જવાબ દેતી હિન્દી ફિલ્મ અભિનેત્રી access_time 5:58 pm IST

  • અમદાવાદ એરપોર્ટ પર શંકાસ્પદ ટીફીન મળતા ડોગ સ્કવોર્ડ બોલાવાઈ : એરપોર્ટ સિકયુરીટી અને ડોગ સ્કવોર્ડની ટીમે એરપોર્ટ પર પડેલા ટીફીનની તપાસ કરી તો તે એરપોર્ટ કર્મચારીનું નીકળ્યુઃ કંઈ વાંધાજનક ન મળ્યુ access_time 6:00 pm IST