Gujarati News

Gujarati News

News of Tuesday, 17th November 2020

વડોદરામાં મહારાષ્ટ્રીયન પરિવારે નવા વર્ષમાં ઘર આંગણે રંગોળીની સાથે કિલ્લો બનાવવાની પ્રણાલિકા જાળવી રાખી

છત્રપતિ શિવાજી મહારાજે બનાવેલા અભેદ કિલ્લાની પ્રતિકૃતિ બનાવી:સજાવીને રોશનીથી શણગારાયો

 

વડોદરામાં વસતા મહારાષ્ટ્રીયન સમાજના લોકોએ વર્ષોથી ચાલતી આવતી મહારાષ્ટ્રીયન પ્રણાલી જાળવી રાખી છે. નવા વર્ષમાં દર વર્ષે કિલ્લા બનાવવામાં આવે છે. વખતે પણ વડોદરાના મહારાષ્ટ્રીયન પરિવારે માટીમાંથી ખાસ કિલ્લો બનાવ્યો છે.

 મહારાષ્ટ્ર અને ગુજરાત એક બીજાથી અલગ થયા પણ સાંકૃતિક અને ઉત્સવોની ઉજવણીમાં એકબીજા સાથે જોડાયેલા છે. દરેક ઉત્સવોની ઉજવણીમાં બંને ગુજરાત અને મહારાષ્ટ્ર એક બીજા સાથે સંકળાયેલ છે અને ઉત્સવો ઉજવે છે. ઉત્તરાયણ, નવરાત્રી, જન્માષ્ટમી, દિવાળીની ઉજવણીમાં બંને રાજ્યો પરંપરા જાળવી રાખી છે. દિવાળીની ઉજવણીમાં મહારાષ્ટ્રમાં ઠેર ઠેર કિલ્લા બનાવવામાં આવે છે. ત્યારે વડોદરામાં વસતા મહારાષ્ટ્રીયન પરિવારો દિવાળીમાં શિવાજી મહારાજે બનાવેલા અભેદ કિલ્લાની પ્રતિકૃતિ બનાવી છે. જેને સજાવીને રોશનીથી શણગારવામાં આવે છે.

 વડોદરા શહેરમાં વસતા મહારાષ્ટ્રીયન સમાજના લોકોએ દિવાળીમાં કિલ્લા બનાવવાની મહારાષ્ટ્રીયન પરંપરા હજી પણ જીવંત રાખી છે. વડોદરા શહેરના વાઘોડિયા રોડ પર રહેતા મહારાષ્ટ્રીયન પરીવારે રાજા રાજવાડાઓ દુશ્મનોથી બચવા ડુંગર પર કિલ્લો બનાવે છે તેવો કિલ્લો બનાવ્યો છે. કિલ્લો બનાવવા માટે તેઓને ચાર દિવસનો સમય લાગ્યો હતો. કિલ્લાની રચના જોઈએ તો શરૂઆતમાં મુખ્ય દરવાજો છે. જે ગૌમુખી પ્રકારની રચના છે. સીધા જઈએ ત્યાંથી જમણી બાજુ જવું પડે. સીધો દરવાજોના આવે. સીડીઓ દ્વારા જમણી બાજુમાં થઈ ને જવું પડે. બીજી એક ખાસિયત છે કિલ્લો કે, સૌથી ઊંચી જગ્યા પર કિલ્લો બનાવવામાં આવે છે. જ્યાં ખાસ કરીને રાજા રાણી કિલ્લાની અંદર હોય છે. અનાજ તેમજ ધાન્યનો કોઠાર પણ કિલ્લામાંજ હોય છે. કિલ્લો બનાવવા માટે ખાસ માટીનો ઉપયોગ કરાયો છે, અને તેનું બ્યુટીફીકેશન કરવા માટે કપચી તોડીને તેનો ઉપયોગ કરાયો છે.

(12:02 am IST)
  • તામિલનાડુના મદુરાઈમાં દિલ કંપાવી દેનારી ઘટના : ધોળે દિવસે અનેક લોકોની હાજરી વચ્ચે હુમલાખોરોએ મુરુગનન્દમ નામક વ્યક્તિનું માથું કાપીનાખ્યું : સેન્ટ મેરી ચર્ચની સામે ફેંકી પલાયન થઇ ગયા : રસ્તે ચાલતી વ્યક્તિએ વિડિઓ ઉતારી લીધો : હુમલાખોરોની કાર જપ્ત કરવામાં પોલીસને સફળતા access_time 6:13 pm IST

  • કોરોનાથી થતા મૃત્યુનો આંક ભારતમાં સૌથી ઓછો : ગૃહ મંત્રાલયના વરિષ્ઠ અધિકારીએ જણાવ્યું હતું કે વિશ્વમાં વસ્તીની દ્રષ્ટિએ ભારતમાં કોરોનાનો દર દસ લાખે મૃત્યુઆંક સૌથી નીચો છે. ભારતમાં દર ૧૦ લાખની વસ્તીએ ૯૪ મૃત્યુ કોરોનાને લીધે નોંધાય છે access_time 5:35 pm IST

  • પશ્ચિમ બંગાળ અને દિલ્હીમાં કોરોના સતત હાહાકાર મચાવી રહ્યો છે : પશ્ચિમ બંગાળમાં છેલ્લા ૨૪ કલાકમાં ૩૦૧૨ નવા કેસો સામે આવ્યા છે, સાથોસાથ ૪૩૭૬ લોકો સાજા પણ થયા છે, જયારે ૫૩ લોકોએ આજ સવાર સુધીમાં જીવ ગુમાવ્યા છે : જયારે દિલ્હીમાં ૩૭૯૭ નવા કેસો જોવા મળ્યા છે : સામે ૩૫૬૦ લોકો સાજા પણ થયા છે : આજે સવાર સુધીમાં દિલ્હીમાં ૯૯ લોકોના મૃત્યુ થયા છે access_time 1:02 pm IST