Gujarati News

Gujarati News

News of Tuesday, 17th November 2020

દિવાળીની રજાઓમાં દીવમાં પ્રવાસીઓ ઉમટ્યા : હોટેલ માલિકો અને અન્ય ધંધા રોજગારને ફાયદો

દિવાળીની રજાઓમાં સહેલાણીઓ ઉમટી પડતાં પ્રવાસનને મળ્યો વેગ :ડિસેમ્બરમાં હજુ વધારે બુકિંગની આશા

દીવ: સુપ્રસિદ્ધ પ્રવાસન સ્થળ દીવ કોવિડ-19 તેમજ લોકડાઉનમાં આર્થિક રીતે ઘણું તૂટ્યું હતું દીવના પ્રવાસન પર નભતા વેપારીઓ અને હોટેલ માલિકો છેલ્લા 8 મહિનાથી કારમી મંદીનો સામનો કરી રહ્યા હતા. ત્યારે દિવાળીના તહેવારોમાં દીવમાં મોટી સંખ્યામાં પ્રવાસીઓનો ધસારો જોવા મળતા આખરે વેપારીઓના જીવમાં જીવ આવ્યો છે. ખાસ કરીને દીવના નાગવા બીચ, બ્લુ ફ્લેગ બીચ, જલંધર બીચ, ફોર્ટ સહિત તમામ દર્શનીય સ્થળો પર મોટી સંખ્યામાં સહેલાણીઓ ઉમટી પડ્યા છે

દીવના હોટલ માલિકોનું કહેવું છે કે હાલ જે પ્રવાસીઓ આવી રહ્યા છે તેઓ ગુજરાતના જ છે, અન્ય રાજ્યોમાંથી હજી સુધી ટુરીસ્ટ બુકીંગ નથી આવ્યું. તેમ છતાં દિવાળીની રાજાઓને પગલે ઠીક ઠીક ધંધો થઈ રહ્યો છે અને મોટાભાગની હોટેલમાં બુકિંગ ફૂલ જોવા મળી રહ્યું છે. આથી આગામી ડિસેમ્બરમાં પણ દીવના વેપારીઓને સારી એવી કમાણી થાય તેવી આશા છે.

આખરે દીવના પ્રવાસન ઉદ્યોગના જીવમાં જીવ આવ્યો છે. કોરોના મહામારીને લીધે આર્થિક નુકસાન જતા છેલ્લા 8 મહિનાથી દીવના વેપારીઓ અને હોટેલ માલિકો નિરાશ બેઠા હતા. પરંતુ રજાઓમાં મોટી સંખ્યામાં સહેલાણીઓ દીવની મુલાકાત લેતા દીવનું પ્રવાસન ધીમે ધીમે બેઠું થાય તેવી સૌને આશા બંધાઈ છે.

(11:26 pm IST)
  • ૭૧% લોકોએ ચીનાઓના માલનો બહિષ્કાર કર્યો : લોકલ સર્કલના સર્વે મુજબ દેશમાં આ દિવાળી ઉપર ૭૧% ભારતીય નાગરીકોએ ચાઈનીઝ ચીજ વસ્તુઓનો બહિષ્કાર કર્યો છે : જો કે જાણકાર વર્તુળો કહે છે કે ચીનથી ફટાકડા સિવાય આવતો માલ ૨ થી ૩ ગણો વધી ગયો છે access_time 12:08 pm IST

  • ટીમ ઇન્ડિયાની કીટના સ્પોન્સર હશે MPL સ્પોર્ટસઃ બીસીસીઆઇની જાહેરાત: બીસીસીઆઇઍ જાહેર કર્યું છે કે MPL સ્પોર્ટસ ટીમ ઇન્ડિયાની કિટનું સ્પોન્સર રહેશે. ટીમ ઇન્ડિયા, મહિલા ક્રિકેટ ટીમ અને અન્ડર -૧૯ ક્રિકેટ ટીમ MPL સ્પોટર્સ બનાવેલી ડિઝાઇનની જર્સી પહેરશે. access_time 1:17 pm IST

  • શિવસેનાના સુપ્રિમો બાલાસાહેબ ઠાકરેને શ્રદ્ધાંજલી અર્પણ : આજે મહારાષ્ટ્રના મુખ્યમંત્રી ઉદ્ધવ ઠાકરે તેમની સમાધી ઉપર શ્રદ્ધાંજલી આપવા પહોંચ્યા હતા : તેમની સાથે તેમના પત્નિ રશ્મી ઠાકરે અને તેમના પુત્ર આદિત્ય ઠાકરે સહિતના નેતાઓ જોડાયા હતા access_time 1:05 pm IST