Gujarati News

Gujarati News

News of Saturday, 17th November 2018

સુરતના ગોપીપુરામાં મહિલા સંચાલિત દેહ વ્યાપારના ધંધાનો પર્દાફાશ :પાંચ ગ્રાહકો અને બે મહિલા ઝડપાયા

ટેલિફોનિક ફરિયાદ બાદ અઠવા લાઇન્સ પોલીસની દરોડા કાર્યવાહી

 

સુરત: શહેરના ગોપીપુરામાં દેહવ્યાપારના ધંધાનો પર્દાફાશ થયો છે.પોલીસ દરોડામાં પાંચ ગ્રાહકો અને બે મહિલાની ધરપકડ કરાઈ છે  ફ્લેટમાં 30 વર્ષિય મહિલા દ્વારા કુટણખાનું ચલાવવામાં આવતું હતું. પોલીસ તમામની અટકાયત કરી વધુ કાર્યવાહી હાથ ધરી છે.

  મળતી  વિગત પ્રમાણે શહેના ગોપીપુરામાં વાઘેશ્વરી માતાજીની પોળમાં આવેલા મહાદેવ હાઇટ્સના એક ફ્લેટમાં 30 વર્ષીય મહિલા દ્વારા કુટણખાનું ચલાવવામાં આવતું હોવાની ટેલિફોનિક  આધારે અઠવા લાઇન્સ પોલીસે દરોડા કાર્યવાહી હાથ ધરી હતી. દરોડા કાર્યવાહી દરમિયાન મહિલા ઉપરાંત પાંચ ગ્રાહકો દિલીપ ભૈયાલાલ, રાહુલ પપ્પુ, બાદલ સુરેશ, મયૂર વીજેન્દ્ર અને સતેન્દ્ર બ્રિજનંદન રંગે હાથ ઝડપાયા હતા. તો બે રૂપલલનાની પણ પોલીસ ધરપકડ કરી હતી.
 
સમગ્ર કેસની તપાસ પોલીસ સબ ઇન્સ્પેક્ટર બી એમ તોગડા કરી રહ્યાં છે. સામાન્ય રીતે કુટણખાના જેવી જગ્યાએ દરોડા પાડવા માટે પોલીસ ડમી ગ્રાહકનો સહારો લે છે પરંતુ કિસ્સામાં પોલીસે એક ટેલિફોનિક બાતમીના આધારે દરોડા પાડ્યા હતા, દરોડામાં પકડાયેલા તમામ ગ્રાહકો મજૂર વર્ગના હોવાનું કહેવામાં આવે છે.

(12:57 am IST)
  • મધ્યપ્રદેશ બાળ તસ્કરી મામલે મધ્ય પ્રદેશ પોલીસે વધુ બેની કરી ધરપકડ:છોટાઉદેપુરની કેસર હોસ્પિટલના ડોકટર રાજુ પાસેથી બાળકોની ખરીદી કરવામા આવી હતી : અત્યારસુધી કુલ 14 આરોપીઓને ઝડપ્યા. access_time 12:39 pm IST

  • વડોદરા : ઇ-વે બિલ વિનાની 14 ટ્રકો ટોલનાકા ખાતેથી ઝડપાઇ:આણંદ નજીકના સામરખા ટોલનાકા ખાતે મોબાઈલ સ્કોવોર્ડ દ્વારા હાથ ધરાયુ હતું ચેકિંગ:સરકાર દ્વારા ઇ વે બિલ ફરજીયાત કર્યા બાદ પણ બિલ નહિ ફરનાર સામે પેનલ્ટીની કરાશે કાર્યવાહી:ટોલનાકા ખાતેથી ઝડપાયેલી ટ્રકોને વડોદરા ખાતે લાવવામાં આવી access_time 12:03 pm IST

  • ભાજપના ધુરંધર નેતા પુરૂષોતમ રૂપાલાનું વિવાદાસ્પદ નિવેદન : આંતરીક વિખવાદથી અમરેલીમાં ભાજપની હાર : અમરેલીમાં યોજાયેલ ભાજપ સ્નેહમિલન કાર્યક્રમમાં પુરૂષોતમ રૂપાલાએ કાર્યકરોનો ઉધળો લીધો : અમરેલીની પાંચ બેઠકો પર ભાજપની આંતરીક વિખવાદથી થયાનું જણાવ્યુ : માત્ર કામ કરવાથી મત નહિં મળતા હોવાનું અને ૧૯૯૫માં તથા ૨૦૦૧માં પાકવિમો અપાવ્યો છતાં મત નહિં મળ્યાની સ્ફોટક કબૂલાત રૂપાલાએ કરી access_time 5:43 pm IST