Gujarati News

Gujarati News

News of Saturday, 17th November 2018

શિવમ્, સોનારિયા યોજનાનો રિડેવલપમેન્ટનો પ્લાન તૈયાર

રૂ.૧૪૨.૨૮ કરોડના ટેન્ડર પ્રસિધ્ધ કરાયાઃ શિવમ્ આવાસ યોજનાના બે બ્લોક ધરાશાયી થયા બાદ અને સોનારિયા આવાસની જર્જરિત સ્થિતિ બાદ તૈયારીઓ

અમદાવાદ,તા. ૧૭ : થોડા સમય પહેલાં જ ઓઢવમાં ગરીબ આવાસ યોજના હેઠળ બંધાયેલા શિવમ આવાસ યોજનાના બે બ્લોક અચાનક ધરાશાયી થયા બાદ તંત્ર દ્વારા શહેરભરના મ્યુનિસિપલ સ્લમ ક્વાર્ટર્સ, હેલ્થ ક્વાર્ટર્સ વગેરેનો સર્વ હાથ ધરાયો હતો, જેના આધારે અમ્યુકો સત્તાવાળાઓએ રિડેવલપમેન્ટ પ્લાન તૈયાર કર્યા છે, જે અંતર્ગત પ્રાથમિક તબક્કે ઓઢવ અને રખિયાલના સોનારિયા બ્લોકનું નવેસરથી નિર્માણ કરવાના ચક્રો ગતિમાન કરાયાં છે. મ્યુનિસિપલ કમિશનર વિજય નેહરાની સૂચનાના આધારે કરાયેલા સર્વ હેઠળ સમગ્ર રિડેવલપમન્ટ પોલિસીમાં ઓઢવની શિવમ આવાસ યોજના તેમજ રખિયાલના સોનારિયા બ્લોકનો સમાવેશ કરાયો છે. શિવમ આવાસ યોજનાના બ્લોક નંબર ર૩ અને ર૪ ધરાશાયી થયાના થોડા દિવસમાં રખિયાલના સોનારિયા બ્લોકના ૧૮ નંબરના મકાનની છત તૂટી પડતાં બે વ્યક્તિ ઘાયલ થયા હતા. અમ્યુકો તંત્રના સર્વે મુજબ ઓઢવની શિવમ આવાસ યોજનાના તમામ ૮૪ બ્લોક અને સોનારિયા બ્લોકના ૭૬૦ મકાનનું રિડેવલપમેન્ટ પોલિસી-ર૦૧૬ હેઠળ નવેસરથી નિર્માણ કરાશે. અત્યારે આ બન્ને સ્થળે ત્રણ માળના બ્લોક છે, પરંતુ સત્તાવાળાઓની નવી પોલિસી હેઠળ સાત માળના બ્લોક બનાવાશે અને મૂળ લાભાર્થીને ૪૦ ટકા મોટું મકાન અપાશે. જાણકાર સૂત્રોના મતે, ઓઢવની શિવમ આવાસ યોજના માટે રૂ.૮૬.૬૯ કરોડના ટેન્ડર તેમજ રખિયાલની સોનારિયા બ્લોક માટે રૂ.પ૮.પ૯ કરોડના મળીને કુલ રૂ. ૧૪૨.૨૮ કરોડનાં ટેન્ડર પ્રસિદ્ધ કરાયા છે. આ ટેન્ડરીંગ પ્રક્રિયા હેઠળ લગભગ એક મહિનો ટેન્ડર સ્વીકારાશે ત્યારબાદ તેને વર્ક આઉટ કરાવ્યા બાદ જે તે કોન્ટ્રાક્ટરને અપાનારા વર્ક ઓર્ડર હેઠળ તેને બે વર્ષમાં તૈયાર કરાશે. મ્યુનિસિપલ તંત્ર દ્વારા રિડેવલપમેન્ટ પોલિસી હેઠળ કુલ ર૦ ક્વાર્ટર્સના રિડેવલપમેન્ટ માટેની યાદી પ્રાથમિક તબક્કે તૈયાર થઇ હોઇ તે દિશામાં ક્વાયત આરંભાઇ છે. શિવમ આવાસ યોજના અને સોનારિયા બ્લોક સત્તાવાળાઓના રિડેવલપમેન્ટ બાદ ભવિષ્યમાં શહેરના અન્ય વિસ્તારમાં અતિ જર્જરિત અને જોખમી આવાસ યોજનાઓ મુદ્દે અમ્યુકો સત્તાવાળાઓ દ્વારા આ પ્રકારની વિચારણા હાથ ધરાઈ શકે છે.

(10:08 pm IST)
  • ગોંડલમાં જીએસટીની ટીમો ત્રાટકી:શહેરના નવા માર્કેટ યાર્ડ,જેતપુર રોડ ત્રણખૂણીયા સહિતના વિસ્તારમાં અધિકારીઓએ જીએસટીની તપાસ હાથ ધરી:શહેરના વિવિધ વિસ્તારોમાં જીએસટીની તપાસને લઈને વેપારીઓમાં ફફડાટ access_time 4:31 pm IST

  • સુરત :ન્યુ સિટીલાઈટ વિસ્તારના વેપારીની ધરપકડ:કામવાળીની પુત્રી સાથે કરી છેડતી: નોકરીની લાલચ આપી પોતાની સાથે કારમાં લઇ ગયો હતો:આભવા પાસેના ખેતરમાં લઈ જઈ અડપલાં કર્યા:કિશોરીએ બુમાબુમ કરતા વેપારી ભાગી ગયો હતો:કિશોરીની માતાએ ખટોદરા પોલીસ મથકમાં નોંધાવી ફરિયાદ access_time 12:02 pm IST

  • પંચમહા:ગોધરાના સારંગપુર જંગલમાંથી નવજાત બાળક મળી આવ્યું :ત્યજી દેવાયેલા જીવિત બાળકને 108 દ્વારા સિવિલ હોસ્પિટલ ખસેડવામાં આવ્યું :કોલ મળતા ગોધરાની 108 ટીમ ઘટના સ્થળે પહોંચી જતા નવજાત શિશુનો જીવ બચ્યો: પ્રાથમિક સારવાર બાદ બાળકની હાલત સ્થિર હોવાનું ફરજ પરના તબીબે જણાવ્યું access_time 10:00 pm IST