Gujarati News

Gujarati News

News of Saturday, 17th November 2018

નારાયણ સાંઇને છાતીમાં દુઃખાવો ઉપડતા લાજપોર જેલમાંથી સિવીલ હોસ્પીટલમાં સારવાર માટે ખસેડાયો

સુરતઃ દુષ્કર્મના કેસમાં ફસાયેલા જેલમાં બંધ નારાયણ સાંઈને છાતીમાં દુખાવો ઉપડ્યો હચો. ત્યારબાદ તેને લાજપોર જેલમાંથી સારવાર માટે સિવિલ હોસ્પિટલ ખસેડવામાં આવ્યો હતો. હોસ્પિટલમાં ઈસીજી કરાવ્યા બાદ સાંઈને એક્સ-રે અને સોનાગ્રાફી વિભાગમાં લઈ જવાયો હતો.

સુરતની લાજપોર જેલમાં બંધ નારાયણ સાંઈએ છાતીમાં દુખાવાની ફરિયાદ કરી હતી. ત્યારબાદ જેલના તબીબો દ્વારા તેને હોસ્પિટલમાં રિફર કરાયો હતો. પોલીસના બંદોબસ્ત વચ્ચે તેને હોસ્પિટલ લઈ જવામાં આવ્યો હતો. ત્યારબાદ તેની સારવાર શરૂ કરવામાં આવી હતી. ઈસીજીનો રિપોર્ટ કરાવ્યા બાદ નારાયણને એક્સ-રે-સોનોગ્રાફી વિભાગમાં લઈ જવાયો હતો. સ્ટ્રેચરમાં સાંઈને એક વિભાગમાંથી બીજા વિભાગમાં લઈ જવામા આવ્યો હતો.

નારાયણ સાંઈએ જેલમાં આ અગાઉ માથા, દાંત અને હાડકાની દુખાવાની પણ ફરિયાદ કરી હતી. ત્યારે આજે છાતીમાં દુખાવો ઉપડતા તેને સારવાર માટે હોસ્પિટલ લવાયો હતો.

(6:39 pm IST)
  • અમદાવાદ :260 કરોડ ફ્રોડનો મામલો : વિનય શાહના કોટક બેંક સહિત અનેક બેંક એકાઉન્ટ અંગે CID ને મળી માહિતી: પૂર્વ કર્મચારી પૂજા શાહની પણ CID ક્રાઈમે કરી પૂછપરછ: વિનય શાહના ઘરે સર્ચમાં દરમ્યાન લોટના ડબ્બામાં,ફર્નિચર,બેડ અને કબાટમાં સંતાડેલા હતા રૂપિયા access_time 11:13 pm IST

  • બદ્રીનાથ ધામના કપાટ મંગળવારે બંધ થશે : ઉત્તરાખંડ સ્થિત ચાર ધામોમાંના એક વિશ્વ પ્રસિધ્ધ બદ્રીનાથ ધામના કપાટ ૨૦ નવેમ્બરને મંગળવારના રોજ વિધિ-વિધાન સાથે શીતકાળના કારણે બંધ થશે. જે ૬ માર્ચ સુધી અગાઉ ભાઇબીજના દિવસે કેદારનાથના અને ત્યારબાદ યમુનોત્રી ધામના કપાટ બંધ કરવામાં આવેલ. access_time 3:43 pm IST

  • પંચમહા:ગોધરાના સારંગપુર જંગલમાંથી નવજાત બાળક મળી આવ્યું :ત્યજી દેવાયેલા જીવિત બાળકને 108 દ્વારા સિવિલ હોસ્પિટલ ખસેડવામાં આવ્યું :કોલ મળતા ગોધરાની 108 ટીમ ઘટના સ્થળે પહોંચી જતા નવજાત શિશુનો જીવ બચ્યો: પ્રાથમિક સારવાર બાદ બાળકની હાલત સ્થિર હોવાનું ફરજ પરના તબીબે જણાવ્યું access_time 10:00 pm IST