Gujarati News

Gujarati News

News of Saturday, 17th November 2018

નોટબંધી અને જીએસટીથી ગુજરાતના ઉદ્યોગોને મરણતોલ ફટકોઃ ૮૦ ટકા ઉદ્યોગો મંદીની વ્યાપક અસર : જીસીસીઆઈ

ગુજરાત ચેમ્બર ઓફ કોમર્સ એન્ડ ઇન્ડસ્ટ્રીના પ્રમુખ જૈમીન વાસાએ કહ્યું છેલ્લા ૪ વર્ષની તુલનાએ 2018નું વર્ષ સૌથી ગંભીર

નોટબંધી અને જીએસટીથી ગુજરાતના ઉદ્યોગોને મરણતોલ ફટકોઃ ૮૦ ટકા ઉદ્યોગો મંદીની વ્યાપક અસર : જીસીસીઆઈ

 

અમદાવાદઃ કેન્દ્ર સરકાર દ્વારા જે નોટબંધી અને જીએસટીના નિર્ણય લેવાયા હતા તેનાથી ગુજરાતના ઉદ્યોગોને મરણતોલ ફટકો પડ્યો છે. ગુજરાત ચેમ્બર ઓફ કોમર્સ એન્ડ ઇન્ડસ્ટ્રીના પ્રમુખ જૈમીન વાસાએ જણાવ્યું કે, છેલ્લા વર્ષની સરખામણીએ ૨૦૧૮નું વર્ષ રાજ્યના ઉદ્યોગો માટે સૌથી ગંભીર રહ્યું છે. આજે ગુજરાતના ૮૦ ટકા ઉદ્યોગો મંદીની વ્યાપક અસર હેઠળ જીવી રહ્યા છે

   તેમણે વધુમાં જણાવ્યું કે, ગુજરાતને ટેક્સટાઇલ્સ ઉદ્યોગનું હબ કહેવાય છે આજે ટેક્સટાઈલ ઉદ્યોગમાં ઉત્પાદન ૨૫ ટકા ઘટ્યું છે.જેમ્સ જવેલરી સેક્ટરમાં સુરત અને સૌરાષ્ટ્રના ઉદ્યોગોને માઠી અસર પહોંચી છે અને વર્ષ 2017-18માં નિકાસમાં જેમ્સ-જ્વેલરીની નિકાસમાં 4.3 ટકાનો ઘટાડો થયો છે. જેની સીધી અસરથી નાણાકીય અછતને કારણે સુરત અને સૌરાષ્ટ્રના યુનિટો થશે બંધ થવાની દહેશત સર્જાઇ છે.

  ગુજરાત સરકારે જે પ્લાસ્ટિક પર પ્રતિબંધ લાદ્યો છે તેના કારણે પ્લાસ્ટિક ઉદ્યોગ પર માઠી અસર થઇ છે.વડોદરા,અમદાવાદ અને રાજકોટની ૨૦૦૦ જેટલી પ્લાસ્ટિકની નાની ફેકટરીઓ બંધ થવાની પરિસ્થિતિમાં છે, જેને લઇને 50 હજાર લોકોની રોજગારી સામે પ્રશ્નાર્થ સર્જાયો છે વર્ષ 2017માં રાજ્યમાં 5.38 લાખ યુવાનો બેરોજગાર હતા. જેમાંથી બે વર્ષમાં માત્ર 12,869ને સરકારી નોકરી મળી છે

(12:48 am IST)
  • ગાંધીનગર :૧૦૦ MLD પાણી માટેના કરાર પર થશે હસ્તાક્ષર : મુખ્યમંત્રી રૂપાણીની અધ્ય્ક્ષતામાં સ્વર્ણિમ સંકુલ-૧માં કરાર અંગેના કાર્યક્રમનું આયોજન : જામનગર જોડિયામાં બનશે ૧૦૦ MLDનો પ્લાન્ટ : સૌરાષ્ટ્ર-કચ્છમાં પીવાના પાણીની સમસ્યા દૂર કરાશે : દરિયાના ખારા પાણીમાંથી મીઠું પાણી બનાવાશે access_time 12:41 pm IST

  • બનાસકાંઠા: વડગામનાં નાવીસણા ગામનૉ બનાવ:62 પ્લોટ નાં કબ્જો લેવા જતા થઈ મારામારી: દલિતોને ફાળવેલ પ્લોટ પર અન્ય લોકોએ કર્યો હતો કબ્જો.:પોલીસ પહોચે તેં પહેલા કબ્જો લેવા જતા સર્જાઈ મારામારી: કબ્જેદાર અને દલિતો વચ્ચે મારામારી.: મારામારી થતા 10 લોકો ને થઈ ઇજા: છાપી પોલીસ ઘટના સ્થળે access_time 10:34 pm IST

  • સુરત એમ્રોડરી કારખાનામાં ચપ્પુ બતાવી લૂંટ ચલાવનાર ગેંગ ઝડપાઇ:કાપોદ્રા વિસ્તારમાં કારીગરને ચપ્પુ બતાવી સ્પેરપાર્ટની લૂંટ ચલાવી હતી: 6.10 લાખની કિંમતનો મુદ્દામાલ કબ્જે કર્યો:પોલીસે લૂંટના 3 ગુના ઉકેલી કાઢ્યા access_time 12:04 pm IST