Gujarati News

અમદાવાદ :રાધનપુર વિધાનસભાની બેઠકની પેટાચૂંટણી પર રાજ્ય આખાની નજર ટકેલી છે. કેમકે આ બેઠક પરથી કોંગ્રેસના પૂર્વ ધારાસભ્ય અલ્પેશ ઠાકોર ભારતીય જનતા પાર્ટીના ઉમેદવાર છે. કોંગ્રેસમાંથી ચૂંટાયેલા અને રાજ્યસભાની ચૂંટણીમાં ક્રોસ વોટિંગ કરી ભાજપનો ખેસ ધારણ કરનાર અલ્પેશની શાખ આ બેઠક પર દાવે લાગી છે. તેમની સામે કોંગ્રેસે રઘુ દેસાઇને મેદાને ઉતાર્યા છે. આ બેઠકના ઇતિહાસની વાત કરીએ તો ઠાકોર સમાજ અને ત્યાર બાદ ચૌધરી સમાજના ધારાસભ્યો અહીંથી ચૂંટાયા આવ્યા છે. ભાજપાના દિગ્ગજ નેતા શંકર ચૌધરી ત્રણ વાર આ બેઠક પરથી ચૂંટાયા હતા. જોકે વર્ષ 2010માં નવુ સીમાંકન આવતાં તેમણે બેઠક છોડવાનો વારો આવ્યો હતો.

વર્તમાન ચુટણીને ધ્યાને લઇને જ્ઞાતી આધારે મતદારો પર નજર કરીએ તો

આ ઉપરાંત અન્ય 14629 મળી રાધનપુર વિધાનસભા બેઠક પર કુલ 258210 મતદારોનો સમાવેશ થાય છે, જે અગામી ધારાસભ્ય કોણ એ નક્કી કરશે.

રાધનપુરમાં આમતો 1997 થી ભાજપનો દબદબો રહ્યો છે, પરંતુ આ વખતની ચૂંટણી કોંગ્રેસને ક્યાંક ને ક્યાંક આશાવાદી દેખવા મળી રહી છે. રાધનપુર મતક્ષેત્રમાં થયેલ ચૂંટણીના ઇતિહાસમાં રાધનપુરની પ્રજાએ આજસુધી પક્ષ પલ્ટુ નેતાને ક્યારેય જીતાડ્યા નથી. અને એટલે આ વખતે કોંગ્રેસ પાસે કોંગ્રેસ પક્ષને છોડીને ભાજપમાં ગયેલ અલ્પેશ ઠાકોરને રાધનપુરની પ્રજા હરાવશે તે આશા બંધાઈ છે અને એટલેજ આ વખતે ભાષણોમાં પણ વિકાસની ગાથાઓ સાઈડમાં રહી જાય છે અને પક્ષપલ્ટુના પ્રહાર પહેલા જોવા મળે છે.

રાધનપુરમાં અત્યાર સુધી કોનું કોનુ રાજ રહ્યું

1962

પોરાણીયા દેવકરણ જીવણલાલ, કોંગ્રેસ - 20044 મત (15324 મતે વિજય)

અમૃતભાઇ મોતીભાઇ બારોટ, સ્વતંત્ર પક્ષ 4720 મત

1967

આર. કે. જાડેજા, સ્વતંત્ર પક્ષ - 19044 મત (1833 મતે જીત)

પોરાણીયા દેવકરણ જીવણલાલ, કોંગ્રેસ - 17211

1972

નિર્મલા લાલભાઇ ઝવેરી, કોંગ્રેસ - 18795 મત (9971 મતે વિજય)

સેંદ અભાલ એલ ઠાકુર, નેશનલ કોંગ્રેસ (ઓ) - 8824 મત

1975

ખોડીદાન ભીમજી ઝુલા, કોંગ્રેસ - 30960 મત (19903 મતે વિજય)

કાશીભાઇ હરજીવન દાસ પટેલ, કિસાન મજદુર લોકપક્ષ - 11057 મત

1980

ખોડીદાન ભીમજી ઝુલા, કોંગ્રેસ(આઇ) - 30267 મત (10305 મતે વિજય)

હિમતલાલ ત્રિભોવનદાસ મુલાણી, જનતા પાર્ટી(જેપી)-  19962

1985

ખોડીદાન ભીમજી ઝુલા, કોંગ્રેસ(આઇ) - 50574 (43766 મતે વિજય)

વાલજીભાઇ ગંગારામ ઠક્કર, ભાજપ - 6788

1990

હિમતલાલ ત્રિભોવનદાસ મુલાણી, જનતાદળ - 28744 (5167 મતે જીત)

ખોડીદાન ભીમજી ઝુલા, કોંગ્રેસ(આઇ) - 23582

1995

લવિંગજી મુળજી સોલંકી, કોંગ્રેસ 26403 (307 મતે વિજય)

મેમાભાઇ ડોસાભાઇ ચૌધરી, ભાજપ - 26096

1998

શંકરભાઇ લઘધીરભાઇ ચૌધરી, ભાજપ - 39700 (17422 મતે વિજય)

લવિંગજી મુળજી સોલંકી, કોંગ્રેસ - 22278

2002

શંકરભાઇ લઘધીરભાઇ ચૌધરી, ભાજપ - 63297 (10050 મતે વિજય)

લવિંગજી મુળજી ઠાકોર, કોંગ્રેસ - 53247

2007

શંકરભાઇ લઘધીરભાઇ ચૌધરી, ભાજપ - 55507 (27736 મતે વિજય)

રધુભાઇ મેરાજભાઇ દેસાઈ, કોંગ્રેસ - 27771

2012

નાગરજી હરચંદજી ઠાકોર, ભાજપ - 69493 (3834 મતે વિજય)

ભાવસિંહ ડાયાજી રાઠોડ, કોંગ્રેસ - 65659

2017

અલ્પેશ ખાડાજી ઠાકોર, કોંગ્રેસ - 85777 (14857 મતે વિજય)

લવિંગજી મુળજી ઠાકોર, ભાજપ - 70920

રાધનપુર વિધાનસભાની પેટા ચૂંટણીના હવે માત્ર ગણતરીના જ દિવસો બાકી રહ્યા છે અને આ ગણતરીના દિવસોમાં ગામે ગામ ખૂંદવા માટે તેમજ લોકોને આકર્ષવા માટે મોટા કદના નેતાઓ એટલે કે ખુદ મંત્રીઓને મેદાને ઉતારી દેવામાં આવ્યા છે.