Gujarati News

 રાજકોટઃ ૩૧મીએ વડાપ્રધાન શ્રી નરેન્દ્રભાઇ મોદીના વરદ હસ્તે સ્ટેચ્યુ ઓફ યુનિટીનું લોકાપર્ણ ભવ્યાતિ ભવ્ય કાર્યક્રમ યોજાશે.

 દરમિયાન અકિલામાં અહેવાલ પ્રસિધ્ધ થયા હતા કે ૩૧મીએ રાષ્ટ્રપતિ-ઉપરાષ્ટ્રપતિ વિવિધ રાજયોના મુખ્યમંત્રીઓ, પ્રધાનો, આ કાર્યક્રમમાં ઉપસ્થિત રહેવાના હતા પરંતુ અચાનક આ કાર્યક્રમ ફેરવી નખાયો છે અને આ બધા મહાનુભાવો ૩૧મીએ હાજર નહિ રહે.

 દરમિયાન રાજયના મુખ્યમંત્રી શ્રી વિજયભાઇ  રૂપાણી સાથેની વાતચીતમાં તેમણે  અકિલાને જણાવેલ કે સ્ટેચ્યુ ઓફ યુનિટીના  લોકાર્પણના કાર્યક્રમમાં કોઇ નિમંત્રણ કાર્ડ હજુ છપાયા  જ નથી. યુનિટીના સ્થળે ૪-૫ હજારથી વધુ લોકોનો સમાવેશ જ થઇ શકે તેમ નથી.

 શ્રી વિજયભાઇએ કહેલ કે મારા સહિત રાજયના પ્રધાનો જુદા-જુદા રાજયોના મુખ્યમંત્રી સહિતના આગેવાનોને રૂબરૂ મળી નવેમ્બર મહિનામાં તેમની અનુકુળતા મુજબ સમય લઇ રહયા છીએ. યુપીમાં યોગીજીને હુ રૂબરૂ મળેલ અને તેમણે દિવાળી પહેલા જ આવવાની ઇચ્છા વ્યકત કરેલ.

 આમ વિજયભાઇના કહેવા મુજબ વિવિધ રાજયોના મુખ્યમંત્રીઓ મહાનુભાવોને  નવેમ્બરમાં અલગ-અલગ તારીખે સમય લઇ રહયા છીએ અહિ ૫-૬ હજારથી વધુ  લોકોનો સમાવેશ થાય તેમ ન હોય આ વ્યવસ્થા હાથ ધરાયેલ છે.

દરમિયાન એવી માન્યતા ફેલાયેલ કે હાલના પરપ્રાંતીય વિરોધી આંદોલનની જુદા-જુદા રાજયોમાં ગંભીર અસર પડી હોય ૩૧ ઓકટોબર તમામ મહાનુભાવો બોલાવવાને બદલે અલગ અલગ તારીખે બોલાવવામાં આવી રહયા છે. દિલ્હી સહિત કોંગી શાસિત રાજયોના મુખ્યમંત્રીઓ આવે કે ન આવે તેવી દ્ધિધા વચ્ચે તેમને આમંત્રણ આપવા કે કેમ તે દ્વિધા પ્રર્વતે છે. (૪૦.૧૨)