Gujarati News

Gujarati News

News of Thursday, 17th September 2020

અમદાવાદના સોલામાં માતાના બનાવેલા ભાઇએ 7 વર્ષની ભાણકીનું અપહરણ કરીને મોતને ઘાટ ઉતારી હોવાનું ખુલ્‍યુ

અમદાવાદ:  સોલામાંથી ગુમ થયેલ 7 વર્ષની બાળકી હત્યા કેસમાં ક્રાઈમ બ્રાન્ચે એક આરોપીની ધરપકડ કરી લીધી છે. આરોપી બાળકીની માતાનો બનાયેલો ભાઈ હતો અને આરોપીએ બાળકી સાથે દુષ્કર્મ કરી હત્યા કરી હોવાનું સામે આવ્યું છે. પોલીસ પકડમાં આવેલો આરોપી ભીખા મિસ્ત્રી એ બાળકી સાથે એવું કામ કર્યું છે જેનાથી તમે પણ આરોપી સામે ગુસ્સો કરી ધિક્કારશો.

આરોપીએ બનાયેલી બહેનની પુત્રી સાથે જ દુષ્કર્મ કરી તેની હત્યા કરી નાખી છે. બાળકી સાથે આરોપી ખરાબ કામ કરી રહયો હતો ત્યારે બાળકી બુમાબુમ કરી જેથી આરોપી ડરી ગયો અને તે ઘરે જઈ ને બધું કહી દેશે. જેથી તેને હત્યા કરી નાખી છે.

બાળકીના ગુમ થવા અંગે વાત કરીએ તો ઘટના કઈ એમ છે કે આરોપીએ બાળકીને 12 સપ્ટેમ્બરના રોજ રાતે કામ છે તેમ કહી લઈ ગયો હતો. અને ત્યારબાદ ઓગણજ ટોલ પ્લાઝા પાસે ખેતરમાં લઈ ગયો હતો અને રાત્રીના અંધકારમાં બાળકીને ખેતરમાં લઇ જઈ બળાત્કાર કરવા તેના કપડાં કાઢી બળાત્કાર કરવા જઈ રહયો હતો અને ત્યારે બાળકીએ બુમાબુમ કરતા આરોપીએ તેનું ગળું દબાવી હત્યા કરી નાખી હતી.

બાદમાં બાળકીના મૃતદેહને ત્યાં જ મૂકી ફરાર થઈ ગયો હતો. હાલ પોલીસે બાળકીની  મૃતદેહનું પોસ્ટમોર્ટમ કરાવી FSL રિપોર્ટની રાહ જોઈ રહી છે. ત્યારે આ કેસમાં અન્ય કોઈ બીજો આરોપી છે કે કેમ તેની તપાસ પણ કરી રહી છે.

(4:29 pm IST)
  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST