Gujarati News

અમદાવાદ : હવામાન વિભાગના કહેવા પ્રમાણે વરસાદી સિસ્ટમ હજુ સક્રિય હોવાથી દક્ષિણ રાજસ્થાન અને ઉત્તર ગુજરાતમાં તેની અસર જોવા મળશે. જોકે, ધીમે ધીમે વરસાદની તીવ્રતામાં ઘટાડો નોંધાશે. આ વચ્ચે ઉત્તર ગુજરાતમાં વરસાદ ચાલુ રહેશે. શનિવારથી ચાર દિવસ સુધી રાજ્યમાં વરસાદનું જોર ઘટશે.  

      આંકડાઓ મુજબ આ વર્ષે અત્યાર સુધી રાજ્યમાં 87 ટકા વરસાદ પડી ચુક્યો છે. રાજ્યમાં ચોમાસાને વિદાયના હજી 45 દિવસ બાકી છે ત્યારે આ વર્ષે રાજ્યમાં 100 ટકા વરસાદ પડશે તેવી આશા વ્યક્ત કરવામાં આવી છે. દક્ષિણ ગુજરાત બાદ રાજ્યમાં તબક્કાવાર દરેક વિસ્તારોમાં સારો વરસાદ પડ્યો છે