Gujarati News

અંકલેશ્વર નેશનલ હાઇવે ઉપર પાર્ક કરાયેલ કન્ટેઇનરના પાછલા દરવાજાનું સીલ તોડી ૨૦૯ જેટલા LED TVની ચોરી કરાયાની ફરીયાદ નોંધાતા પોલીસે ટીવી ચોરી કરનાર ટોળકીની તપાસ હાથ ધરી છે.

 આ અંગેની વિગત મુજબ અંકલેશ્વર નેશનલ હાઇવે ઉપર ૭૨૦ નંગ LED TV ભરી એક કન્ટેઇનર અમદાવાદ જતું હતું. દરમિયાન કન્ટેઇનરના ચાલકે તેનું કંન્ટેઇનર અંકલેશ્વર નજીક હાઇવે ઉપરની કોઇ હોટલ ઉપર પાર્ક કર્યું હતું. ત્યારે કોઇ અજાણ્યા ઇસમો દ્વારા કન્ટેઇનરના પાછલા દરવાજાનું સીલ તોડી તેમાં રહેલ ૭૨૦ નંગ LED TV પૈકી ૨૦૯ જેટલા LCD TV ની ચોરી કરી કુલ આશરે રૂપિયા ૧૬ લાખની મત્તાનો હાથફેરો કરી ફરાર થઈ જવાની ઘટના બનવા પામી હતી.જે અંગે કંન્ટૈનર ચાલકે ફરિયાદ નોંધાવતા અંકલેશ્વર શહેર પોલીસે આ અજાણ્યા LED TV ચોરોની શોધખોળ આરંભી છે.