Gujarati News

Gujarati News

News of Monday, 17th May 2021

રાધનપુર તાલુકાના દેવગામમાં ઉનાળામાં પીવાના પાણીની સમસ્યાથી લોકોને વિકટ પરિસ્થિતિનો સામનો કરવાની નોબત આવી

રાધનપુર:તાલુકાના દેવ ગામના ગાળિયા વિસ્તારમાં છેલ્લા કેટલાક વર્ષથી ઉનાળાના પ્રારંભે પીવાના પાણીની સમસ્યા ઉભી થવા પામે છે અહીં રહેતા લોકોને પીવાનું પાણી ભરવા દૂર જવું પડે છે આ વિસ્તારમાં રહેતા ગ્રામ પંચાયતના મહિલા સદસ્ય રૃડીબેન પરમારને માથે બેડું ઉપાડી પીવાનુ પાણી ભરવા ખેતરોમાં બોર પર જવું પડતું હોવાની વાત તેમણ જણાવી હતી. અહી રહેતી મહિલાઓએ જણાવ્યું હતું અમારા વિસ્તારમાં ઉનાળામાં પાણી ક્યારે આવતું નથી ઉનાળામાં ન્હાવા વાપરવા અને પીવા માટેનું પાણી ખેતરોમાં બનાવેલા બોરમાંથી ભરી લાવે છે પરંતુ બોર નું પાણી ખારું અને ડોળું આવતું હોવાને લઈને પાણી પીવાથી ઝાડા થઇ જાય છે જ્યારે એ પાણીથી સ્નાનકરીઓ તો શરીરમાં ખંજવાળ આવે છે વર્ષોથી ઉનાળામાં અમારા વિસ્તારમાં સર્જાતી પાણીની સમસ્યા બાબતે અનેકો વખત રાજકીય નેતાઓ પાણી પુરવઠા અધિકારીઓ સમક્ષ વારંવાર રજૂઆતો કરવામાં આવેલી છે પરંતુ અમારા વિસ્તારની પાણીની સમસ્યાનું નિવારણ કરવામાં આવતું નથી જેને લઇને અમારે ઉનાળાના તાપમાં પાણી માટે વલખા મારવા પડે તેવી પરિસ્થિતિ સર્જાય છે.અઠવાડિયે ગોસણ ગામથી રૃપિયા એક હજાર ખર્ચ કરીને ટેન્કર મંગાવવામાં આવે છે.

(5:27 pm IST)
  • મુંબઈમાં ભારે વરસાદ પડી રહ્યો છે અને મુંબઇ 100 કિ.મી. પ્રતિ કલાકની ઝડપે ભારે પવન ફૂંકાઈ રહ્યો છે. હાલમાં મુંબઇમાં NDRFની ત્રણ ટીમો તૈનાત કરવામાં આવી છે અને 5 ટીમો એલર્ટ પર છે. મુંબઈમાં 5 સ્થાનો પર અસ્થાયી આશ્રય ઘરો બનાવવામાં આવ્યા છે, જેથી લોકોને જરૂર પડે તો અહીં સ્થળાંતર કરી શકાય. વેસ્ટર્ન મુંબઈમાં NDRFની ત્રણ ટીમો અને પૂરથી સુરક્ષા માટે ફાયર બ્રિગેડની 6 ટીમો પણ તૈનાત કરવામાં આવી છે. અહીં બપોરે 2 વાગ્યા સુધી એરપોર્ટ પણ બંધ કરવાની જાહેરાત કરવામાં આવી છે. access_time 5:28 pm IST

  • તૌકટે વાવાઝોડું વધુ તીવ્ર બની સવારે ૮ વાગે મુંબઈના દરિયામાંથી આગળ વધી ગયું છે અને સૌરાષ્ટ્ર તરફ ધસમસી રહ્યું છે. વાવાઝોડાની સ્થિતિ દર્શાવતી લેટેસ્ટ તસવીર. access_time 11:30 am IST

  • શ્રીનગરની ભાગોળે બે આતંકીઓ ઠાર મરાયા : બાકીના સાથે મૂઠભેડ ચાલુ : શ્રીનગરને અડીને આવેલા ખાન મોહ વિસ્તારમાં બે આતંકવાદીઓને સુરક્ષાદળોએ ઠાર માર્યા છે, જયારે બીજા ૨ થી ૩ આતંકવાદીઓ સાથે મૂઠભેડ ચાલુ છે : આજે વ્હેલી સવારે આ વિસ્તારમાં આતંકીઓ જોવા મળ્યાની જાણ થતાં એસઓજી, લશ્કર અને સીઆરપીએફની સંયુકત ટુકડી પહોંચી ગયેલ અને એક મકાનમાં છુપાયેલા આતંકીઓ સાથે મૂઠભેડ શરૂ થયેલ : સુરક્ષા કર્મીઓ ઘર-ઘરની તલાશી લેતા હતા ત્યારે એક મકાનમાં છુપાયેલા આ આતંકીઓએ નજીક આવેલા જવાનો ઉપર ગોળીબાર શરૂ કરેલ : સુરક્ષાદળોએ આત્મસમર્પણ કરવા કહ્યુ છતા આતંકીઓએ ગોળીબાર ચાલુ રહેતા બે ને ઠાર મારવામાં આવેલ access_time 12:15 pm IST