Gujarati News

Gujarati News

News of Monday, 17th May 2021

અમદાવાદના દાણીલીમડા વિસ્તારમાં સાળીની સગીરવયની દીકરીને મદદના બહાને ઘરે બોલાવી માસાએ દુષ્કર્મ આચરતા અરેરાટી મચી જવા પામી

અમદાવાદ: શહેરના દાણીલીમડામાં રહેતા યુવકની પત્ની રિસાઇને પિયરમાં ગઇ હતી, એટલે આરોપીએ  પોતાની સાળીની સગીરવયની ભાણીને મદદના બહાને ઘરે બોલાવી હતી અને એકલતાનો લાભ ઉઠાવીને ભાણી સાથે દુષ્કર્મ આચર્યું હતું.  આ બનાવ અંગે દાણીલીમડા પોલીસ હવસખોર આરોપીની ધરપકડ કરી વધુ તપાસ હાથ ધરી છે.પતિ-પત્ની વચ્ચે તકરાર થતા મદદ કરવા આવેલી ભાણી ઉપર માસાએ દાનત બગાડી ઃ હવસખોર આરોપીની ધરપકડ

આ કેસની વિગત એવી છે કે દાણીલીડા વિસ્તારમાં રહેતા યુવકને તેની પત્ની સાથે તકરાર થતાં પત્ની રિસાઇને પિયરમાં ગઇ હતી, જ્યારે બહેરામપુરામાં આરોપીની સાળીની ૧૫ વર્ષની  દિકરી રહેતી હતી પોતાની મોટી બહેનના ઘરે રહેતી હતી, આરોપીએ આ સગીરાને મદદ કરવાના બહાને પોતાના ઘરે બોલાવી હતી અને એકલતાનો લાભ ઉઠાવીને તેણીની સાથે બળજબરી પૂર્વક બે વખત દુષ્કર્મ આચર્યુ હતું. જો કે મોટી બહેનને આ બનાવની જાણ થતાં તેણીએ માસા વિરુધ્ધમાં દાણીલીમડા પોલીસ સ્ટેશનમાં ફરિયાદ નોધાવી હતી.

(5:26 pm IST)
  • અરવલ્લી જિલ્લામાં વાવાઝોડાની અસરથી મોડાસા, મેઘરજ, શામળાજી સહિતના વિસ્તારોમાં વરસાદ, કેટલાક વિસ્તારોમાં વીજળી પણ ડૂલ access_time 1:41 am IST

  • રાજકોટ, મોરબી અને આસપાસના વિસ્તારોમાં સોમ અને મંગળવાર સુધીમાં ૫ થી ૭ ઇંચ જેવા ભારે વરસાદની સંભાવના દર્શાવવામાં આવી છે. bbc પણ રાજકોટને ભારે વરસાદવાળા ઝોનમાં મુકે છે. access_time 9:28 am IST

  • મુંબઈમાં ભારે વરસાદ પડી રહ્યો છે અને મુંબઇ 100 કિ.મી. પ્રતિ કલાકની ઝડપે ભારે પવન ફૂંકાઈ રહ્યો છે. હાલમાં મુંબઇમાં NDRFની ત્રણ ટીમો તૈનાત કરવામાં આવી છે અને 5 ટીમો એલર્ટ પર છે. મુંબઈમાં 5 સ્થાનો પર અસ્થાયી આશ્રય ઘરો બનાવવામાં આવ્યા છે, જેથી લોકોને જરૂર પડે તો અહીં સ્થળાંતર કરી શકાય. વેસ્ટર્ન મુંબઈમાં NDRFની ત્રણ ટીમો અને પૂરથી સુરક્ષા માટે ફાયર બ્રિગેડની 6 ટીમો પણ તૈનાત કરવામાં આવી છે. અહીં બપોરે 2 વાગ્યા સુધી એરપોર્ટ પણ બંધ કરવાની જાહેરાત કરવામાં આવી છે. access_time 5:28 pm IST