Gujarati News

Gujarati News

News of Friday, 17th May 2019

મહીસાગરમાં મહિલાના કપડાં ફાડી નિવસ્ત્ર કરી દુષ્કર્મનો પ્રયાસ; ગાડીમાં ઉપાડી જવા કોશિશ :નશાખોર ત્રણ લુખ્ખાઓની કરતૂત

પતિને માર મારતા બચાવવા ગયેલ પત્ની સાથે ગામના જ ત્રણ શખ્શોએ નિર્લજ્જ હુમલો કર્યો

 મહીસાગરમાં મહિલાના કપડાં ફાડીને દુષ્કર્મના ઇરાદે ત્રણ આરોપીઓ દ્વારા મહિલાને નિર્વસ્ત્ર કરવામાં આવી હોવાની ચોંકાવનારી ઘટના બહાર આવી છે ગામના જ યુવાનો દ્વારા રાતના સમયે પતિને મારમારી પત્નીના કપડાં ફાડી નિર્વસ્ત્ર કરવામાં આવી હોવાની ફરિયાદ નોંધાઇ છે.

  ફરિયાદમાં મહિલાનો આક્ષેપ છે કે, રાત્રના સમયે મુકેશ ચમાર, નીલમ ચમાર અને સુરેશ ચમાર નામના શખ્સો ગાડીને લઇને તેમના ઘરે આવ્યા હતા. આ લોકોએ મહિલાના પતિને કહ્યું હતું કે, કેમ તું અમને દારૂ આપતો નથી. તે બાબતે ઝઘડો કરી માર માર્યો હતો. આ જોતાં પત્ની પોતાના પતિને બચાવવા વચ્ચે પડતા  ઉશ્કેરાયેલા આરોપીઓએ મહિલાના કપડાં ફાડી નાંખ્યા હતા અને દુષ્કર્મનો પ્રયાસ કર્યો હતો. પતિ-પત્નીએ બુમાબુમ કરતાં આરોપીઓએ જાનથી મારી નાંખવાની ધમકી આપી હતી.
  આરોપીઓએ પતિ-પત્નીને ધમકી આપી હતી કે, તમે વરઘરી બજારમાં આવશો તો જાનથી મારી નાંખીશું. ધમકી આપ્યા બાદ આરોપીઓ કાર લઇને ફરાર થઇ ગયા હતા. આ અંગે પોલીસે ફરિયાદના આધારે વધુ તપાસ હાથ ધરી છે.
   ફરિયાદી મહિલાએ  જણાવ્યું હતું કે, રાત્રે અમે જમવા બેસેલા હતા તે સમયે દરવાજો ખખડાવતાં મારા પતિ બહાર નીકળ્યા હતા. તેઓ બહાર નીકળતાં જ આરોપીઓએ તેમને માર માર્યો હતો. તેમના કપડાં ફાડી નાંખ્યા હતા. હું બહાર નીકળી તો મારા કપડાં ફાડી નાંખી દુષ્કર્મનો પ્રયાસ કર્યો હતો. તેમણે મને ગાડીમાં લઇ જવાનો પણ પ્રયાસ કર્યો હતો. તેઓ નશામાં હતા. બચવાનો પ્રયાસ કરી મેં તરત જ 100 નંબર પર ફોન કર્યો હતો. તેમણે કહ્યું હતું કે, હાલમાં પોલીસ છે નહીં. તે બાદ પોલીસને જાણ કરતાં પોલીસ આવી હતી અને મારી ફરિયાદ લીધી હતી

 
(1:09 pm IST)