Gujarati News

Gujarati News

News of Friday, 17th May 2019

સુરતના કરંજમાં ચૂંટણી વેળાએ ભાજપ ધારાસભ્યે કહ્યું હતું મકાનની કાંકરી નહિ ખરવા દઉં: હવે બુલડોઝ ફેરવી દેવાયુ

દબાણ હટાવ કામગીરીના વિરોધમાં મહિલાઓએ ધારાસભ્યની ઓફિસનો કર્યો ઘેરાવ

સુરત: સુરતના કરંજ વિસ્તારમાં દબાણ હટાવવાની કામગીરીના વિરોધમાં સ્થાનિક મહિલાઓએ ધારાસભ્ય પ્રવિણ ઘોઘારીની ઓફિસનો ઘેરવા કર્યો હતો.

  સુરતના વરાછાના કરંજ બેઠકના ધારાસભ્ય પ્રવિણ ઘોઘારીની તેમના વિસ્તારમાં આવેલ ઓફિસ ખાતે આજે સ્થાનિક મહિલાઓનું ટોળું વિરોધ પ્રદર્શન પર ઉતરી આવ્યું હતું. મહિલાઓએ આક્ષેપ કર્યો હતો કે ચૂંટણી દરમિયાન ધારાસભ્ય પ્રવિણ ઘોઘારીએ કહ્યું કે હું જ્યાં સુધી સત્તા પર છું ત્યાં સુધી તમારા મકાનની કાંકરી પણ નહીં ખરવા દઉં. પરંતુ હવે ચૂંટણી પૂર્ણ થયા બાદ તેમના ઘર પર બુલડોઝર ફેરવી દેવાયું છે.

 એક મહિલાએ તો મીડિયા સમક્ષ ત્યાં સુધી કહ્યું કે વડાપ્રધાન મોદી બધાને ઘર આપવાની વાત કરે છે અને મોદીજીને અમે ભગવાન માન્યા હતા. પરંતુ આજે અમે ઘર વિનાના થઇ ગયા. અમે સ્કૂલમાં ભણતા બાળકોને લઇને ક્યાં જઇએ?

આ મામલે ધારાસભ્ય પ્રવિણ ઘોઘારીએ મીડિયા સમક્ષ જણાવ્યુ હતું કે ઘરવિહોણા લોકોને આવાસ યોજનાના મકાન આપવા અંગે રજુઆત કરીશું. રોડ બનાવવા માટે આ ડિમોલિશનની કાર્યવાહી કરાઇ છે.

(7:58 pm IST)
  • યેદિયુરપ્પાએ કર્યો ફરીવાર કર્ણાટક સરકારના પતનનો દાવો ;કહ્યું લોકસભા ચૂંટણી બાદ કોંગ્રેસ જેડીએસનું ગઠબંધન સરકાર તૂટી પડશે :કર્ણાટક ભાજપ અધ્યક્ષ અને પૂર્વ મુખ્યમંત્રી યેદિયુરપ્પાએ કોંગ્રેસ અને જેડીએસનું ગઠબંધન તકવાદી ગણાવ્યું હતું access_time 1:03 am IST

  • રાજકોટ, અમરેલી, પાટણ સહિત ૨૦થી વધુ કોંગ્રેસના કાર્યકરો સસ્પેન્ડ : ગઇકાલે અમિત ચાવડાએ ડભોઇના ૭ પ્રતિનિધિઓને સસ્પેન્ડ કર્યા હતાઃપક્ષ વિરોધી કામ કરનાર સામે કોંગ્રેસ લેશે પગલાઃ લોકસભાના ઉમેદવારોની ફરીયાદને પણ ધ્યાને લેવાઇઃ પરીણામ બાદ પક્ષ વિરોધી પ્રવૃતિ કરનાર થશે સસ્પેન્ડ access_time 3:48 pm IST

  • રાજકોટમાં સતત બીજા દિવસે ગરમીમાંથી રાહત : ૩૭ ડિગ્રી : ૩૨ કિ.મી.ની ઝડપે પવનો ફૂંકાઈ રહ્યા છે : ગરમી ઘટવાથી લોકોમાં રાહત access_time 3:46 pm IST