Gujarati News

Gujarati News

News of Thursday, 17th May 2018

સુરતના અમરોલી વિસ્તારમાં નિર્માણાધીન બિલ્ડિંગના ત્રીજા માળેથી પટકાતા માસુમ ભાઈ-બહેનના મોત

બન્ને બાળકો રમતા રમતા લિફ્ટ માટે મુકાયેલ ખુલી જગાએથી નીચે પડ્યા

સુરતનાં અમરોલી વિસ્તારમાં નવી બંધાઈ રહેલી બિલ્ડીંગના ત્રીજા માળેથી પટકાતા બે માસુમ ભાઈ-બહેનનાં મોત થતાં અરેરાટી ફેલાઈ હતી. લિફ્ટ માટે મુકવામાં આવેલી ખુલી જગ્યામાંથી પટકાતાં શ્રમિક બાળકોના મોત થયાં હતાં.

 આ અંગેની વિગત મુજબ અમરોલી વિસ્તારમાં આવેલી અંજની ઈન્ડસ્ટ્રીયલ વિસ્તારમાં નવી બંધાતી બિલ્ડીંગના લિફ્ટના પેસેજમાંથી પટકાયેલા શ્રમિક પરિવારના બે બાળકોમાં એક સાત વર્ષની બાળકી અને બીજો એક વર્ષના બાળકનો સમાવેશ થાય છે. બાળકોના મોતને લઈને શ્રમિક પરિવારમાં શોકનું મોજું ફરી વળ્યું હતું. બીજી તરફ બાળકો રમતાં રમતાં નીચે પટકાઈને મોતને ભેટ્યાં હોય અમેરોલી પોલીસે ઘટના સ્થળે પહોંચી વધુ તપાસ હાથ ધરી છે. અત્રે ઉલ્લેખનીય છે કે, બાળકીના માતા પિતા વતનથી ગઈકાલે જ આવ્યાં હતાં. આજે કામ પર લાગ્યા હતાં તે દરમિયાન જ બાળકોના મોત થતાં આઘાતમાં સરી પડ્યા હતા.

(7:33 pm IST)
  • કર્ણાટકના કોંગ્રેસના એક ધારાસભ્ય રીસોર્ટમાંથી બહાર નીકળતા રાજકીય ગરમાવો : હોર્સ ટ્રેડીંગથી બચવા કોંગ્રેસે તેના ધારાસભ્યોને ઈગલટન રીસોર્ટમાં રાખ્યા હતા : જયાંથી ધારાસભ્ય રાજશેખર પાટીલ ખરાબ તબિયતનું કારણ આપી બહાર નીકળી જતાં કર્ણાટકના રાજકારણમાં ગરમાવો આવી ગયો છે access_time 6:10 pm IST

  • આઈપીએલમાં ક્રિકેટરોની માફક (ઇન્ડિયન પોલિટિકલ લીગ )ધારાસભ્યોની પણ લીલામી કરાશે ? : કર્ણાટકમાં યેદિયુરપ્પાની તાજપોશી મામલે પૂર્વ નાણામંત્રી યશવંતસિંહાનો કટાક્ષ :રાજ્યપાલના નિર્ણયનો રાષ્ટ્રપતિ ભવન બહાર વિરોધ કરીને યશવંતસિંહએ કહ્યું કે આ ગેરબંધારણીય પગલાંથી લોકતંત્રની હત્યા થઇ છે access_time 1:03 am IST

  • આગામી દાયકામાં દિલ્હી વિશ્વનું સૌથી વધુ વસ્તીવાળું શહેર બનશે :2050 સુધીમાં દુનિયામાં શહેરી વસ્તીમાં ભારતનું સૌથી વધુ યોગદાન હશે :હાલમાં વિશ્વની 55 ટકા શહેરી વસ્તી 2050માં વધીને 68 ટકા લોકો શહેરોમાં વસવાટ કરતા હશે :સંયુક્ત રાષ્ટ્રનો અંદાજ access_time 11:15 pm IST