Gujarati News

Gujarati News

News of Thursday, 17th May 2018

મોડીરાત્રે વડોદરાના વાઘોડિયામાં બે કોમ વચ્ચે બઘડાટી : પથ્થરમારો : વાતાવરણ તંગ : પોલીસ કાફલો દોડ્યો

સામાન્ય બોલાચાલીએ ઉગ્ર સ્વરૂપ ધારણ કરી લેતા વાતાવરણમાં તંગદિલી ફેલાઈ

વડોદરા જિલ્લાના વાઘોડિયામાં જય અંબે ચોકડી નજીકની એક સોડાની દુકાનમાં બુધવારે રાત્રે 10:30 વાગ્યાની આસપાસ બે કોમના વ્યક્તિઓ વચ્ચે સામાન્ય બાબતે બોલાચાલી થઇ હતી.બાદમાં  આ બોલાચાલીએ ઉગ્ર સ્વરૂપ ધારણ કરી લેતા સમગ્ર વિસ્તારનું વાતાવરણ ડહોળાયું હતું. ગણતરીની મિનિટોમાં બંને કોમના ટોળાઓ સામસામે આવી જઈને પથ્થરમારો શરુ કરી દીધો હતો.વાતાવરણ વધુ તંગ બન્યું હતું.

વાઘોડિયા પોલીસે ઘટનાસ્થળે પહોંચીને સમગ્ર મામલો થાળે પાડવાનો પ્રયાસ કર્યો હતો. જો કે સ્થિતિ વણસતી અટકાવવા વડોદરાથી એલ.સી.બી તેમજ એસ.ઓ.જી નો સ્ટાફ સહીત ડભોઇથી પણ પોલીસ કાફલો વાઘોડિયા ખાતે મોકલાયો હતો. મોટી સંખ્યામાં પહોંચેલા પોલીસ કાફલાએ ઘટનાસ્થળે પહોંચીને ટોળાઓને વિખેવાની કામગીરી હાથ ધરી હતી. મોડી રાતસુધી પોલીસ દ્વારા પેટ્રોલિંગ જારી રખાયું હતું.

(1:05 pm IST)
  • કર્ણાટકમાં ભાજપની સત્તા અથવા રાષ્ટ્રપતિ શાસન ? : યેદિયુરપ્પા બહુમતી સાબિત ન કરી શકે તો ભાજપે નવી શકયતા તપાસવી શરૂ કરી દીધીઃ સૂત્રો access_time 4:25 pm IST

  • વિધાનસભા બહાર કોંગ્રેસના વરિષ્ઠ નેતાઓ દ્વારા દેખાવો : ભાજપ પોતાની પોકળ જીત પર ખુશી મનાવતી હશે, દેશ લોકતંત્રની હાર પર શોક મનાવશે : રાહુલ ગાંધી access_time 10:57 am IST

  • ભાવનગર : બંધ પડેલો ટ્રક આપોઆપ પાછળ ચાલવા લાગતા, ત્યાં ઉભેલી બાળકીનું ટ્રક નીચે આવી જતા મોત : કુંભારવાડાથી મોતી તળાવ રોડ પર બની ઘટના : 10 વર્ષની વનિતાનું સ્થળ પર મોત નીપજતા ગરીબ પરિવારમાં ફેલાયો માતમ access_time 8:46 pm IST