News of Thursday, 17th May 2018

કરમસદના તળાવની માટી કૌભાંડના કથિત ભ્રષ્ટ્રાચાર અંગે એસીબીમાં ફરિયાદ:કોંગી કાઉન્સીલરોના ઉપવાસ

કરમસદ પાલિકાના તળાવની માટી કૌભાંડના કથિત ભ્રષ્ટ્રાચાર સંદર્ભે આજે ઉપવાસ કરી રહેલા કોંગ્રેસના આઠ કાઉન્સીલરોએ એસીબીમાં લેખિત ફરિયાદ કરતાં ચકચાર મચી જવા પામી છે. એસીબી દ્વારા લેખિત ફરિયાદ લઈને કાર્યવાહી હાથ ઘરી હોવાનું જાણવા મળ્યું છે.

   પ્રાપ્ત વિગતો અનુસાર કરમસદ નગરપાલિકા દ્વારા ૯ મે,૨૦૧૬ના રોજ તળાવ ઊંડુ કરવા માટે જાહેર નિવિદા બહાર પાડી હતી જેમાં ત્રણ તુલનાત્કમ ભાવપત્રક તૈયાર કરીને ટેન્ડર ભરવાના હોય છે પરંતુ જે ત્રણ કોન્ટ્રાક્ટરોએ ટેન્ડર ભર્યા હતા તેમણે તુલનાત્મક ભાવ ભર્યા નહોતા અને માત્ર સાદા કાગળ ઉપર ટેન્ડર ભર્યું હતુ. સંજયભાઈ ચૌહાણનું ૫૦ રૂપિયા પ્રતિ ડમ્પર દીઠ નગરપાલિકામા જમા કરાવીને તેમજ રોયલ્ટી અલગથી ચુકવવાનું પાલિકા દ્વારા ટેન્ડર મંજુર કરવામાં આવ્યું હતુ. સાદા કાગળ પર મંજુર થયેલા ટેન્ડરમાં તારીખ કે લાયસન્સ નંબરનો પણ ઉલ્લેખ કરવામાં આવ્યો નહોતો. પાલિકાના તત્કાલીન ચીફ ઓફિસરે તા. ર૩ મે, ૨૦૧૬ના રોજ ૫૦ રૂપિયામાં એક ડમ્પર માટી વેચાણનો વર્ક ઓર્ડર આપ્યો હતો.

    અત્રે ઉલ્લેખનીય છે કે કરમસદના નાગરિક અમિતભાઈ વાઘેલાએ ૨૦ એપ્રિલ,૨૦૧૮ના રોજ આરટીઆઈ કરી કરમસદ હદ વિસ્તારમાં આવેલ તળાવોને ઊંડા કરી માટી વેચાણ અંગે મદદનીશ ભુસ્તરશાસ્ત્રીની કચેરી, ભુસ્તરવિજ્ઞાન અને ખનીજ ખાતા પાસે માહિતી માંગી હતી. જેના જવાબમાં ખનીજ ખાતાએ તેમની પાસેથી કરમસદ પાલિકા દ્વારા આવી કોઈ પરવાનગી લેવામાં નહીં આવી હોવાનું જણાવ્યું હતુ

(12:00 pm IST)
  • કર્ણાટકમાં ભાજપની સત્તા અથવા રાષ્ટ્રપતિ શાસન ? : યેદિયુરપ્પા બહુમતી સાબિત ન કરી શકે તો ભાજપે નવી શકયતા તપાસવી શરૂ કરી દીધીઃ સૂત્રો access_time 4:25 pm IST

  • મોડીરાત્રે કર્ણાટકના કોંગ્રેસી ધારાસભ્યો કોચી જવા રવાના :કેટલાક ધારાસભ્યોને હૈદરાબાદ શિફ્ટ કરવામાં આવશે :બેંગ્લુરુમાં જ્યાં રોકાયા હતા ત્યાં ભાજપ પહોંચી ગઈ અને ધારાસભ્યોને ખરીદવા લાગી હોવાનો આરોપ :કોચીના ક્રાઉન પ્લાઝામાં કોંગ્રેસ-જેડીએસના ધારાસભ્યોને રોકાવવા માટે 125 રૂમ બુક કરાવાયા અહેવાલ :બંને પાર્ટીના ધારાસભ્યો અલગ અલગ રવાના કરાયા access_time 12:54 am IST

  • વિધાનસભા બહાર કોંગ્રેસના વરિષ્ઠ નેતાઓ દ્વારા દેખાવો : ભાજપ પોતાની પોકળ જીત પર ખુશી મનાવતી હશે, દેશ લોકતંત્રની હાર પર શોક મનાવશે : રાહુલ ગાંધી access_time 10:57 am IST